"30.05.2026-cı il tarixində saat 19:50 radələrində "Unikal Klinika"ya (Sumqayıtda fəaliyyətdə olan) 39–40°C hərarəti olan azyaşlı övladımla müraciət etdim..." "DİA-AZ" xəbər verir ki, bunu öz etiraz dolu müraciətində tanınmış foto dizayner Vüsal Həsənov qeyd edib.

O daha sonra başına gələnləri belə nəql edir: "Təcili yardım/qəbul şöbəsində məni qarşılayan əməkdaş uşağın vəziyyətini nəzərə almadan 'uşaq ağlayır, əvvəl sakitləşdirin, sonra baxarıq' dedi. Övladımın vəziyyəti təcili tibbi yardım tələb etdiyi halda, qəbul zamanı həkim tərəfindən lazımi diqqət göstərilməmiş, mənə "uşaq ağlayır, əvvəl sakitləşdirin, sonra baxaram" deyə müraciət edilmişdir. Yüksək hərarətli uşağın müayinəsinin gecikdirilməsi məndə ciddi narahatlıq yaratmışdır.
Hesab edirəm ki, bu vəziyyət pasiyentə göstərilməli olan tibbi xidmət və peşəkar davranış qaydalarına uyğun deyildir. "Yüksək hərarətli və ağlayan azyaşlı uşağın vəziyyəti nəzərə alınaraq daha diqqətli və peşəkar yanaşma gözləyirdim. Uşağın sakitləşdirilməsi və müayinəyə hazırlanması istiqamətində dəstək göstərilmədi, əvəzində mənə yalnız uşağı sakitləşdirdikdən sonra baxılacağı bildirildi. Bu münasibət məndə uşağın vəziyyətinə lazımi həssaslıqla yanaşılmadığı təəssüratı yaratdı. "Kobudluq, qeyri peşəkar davranış bir hospitala yaraşmayan haldır. Hətta ailəmə gələndə kənardan müdaxilə edənlər də oldu... (təcili yardımın işçilərini nəzərdə tuturam) "Biz belə uşaq görməmişik...", "iynə sınar, qolunda qalar, uşaq şiksət olar..." kimi qeyri etnik ifadələr.

Ola bilər ki, Klinikada peşəkar həkimlər var, mən hamını nəzrədə tutmuram. Amma həmin gün mənə yaşadılan o hadisə heç bir əxlaqa, mənəviyyata və həkimliyə yaraşmayan bir davranış idi.

Çox təəsüf edirəm.. Hesab edirəm ki, yüksək hərarətli azyaşlı uşaqlara göstərilən tibbi yardım zamanı daha həssas və peşəkar davranış nümayiş etdirilməlidir. Baş vermiş hadisənin araşdırılmasını, qəbul zamanı iştirak etmiş əməkdaşın davranışına qiymət verilməsini və araşdırmanın nəticəsi barədə mənə məlumat verilməsini xahiş edirəm..."