"Biznesdə dürüstlük və operativlik ən vacib amildir. Təəssüf ki, Azercell ilə işbirliyimizdə bunun tam əksini gördük..." "DİA-AZ" xəbər verir ki, bunu özünün sosial şəbəkə hesabında Tahir Əhmədov adlı istifadəçi qeyd edib.
O daha sonra fikrini belə davam etdirir: "Qarşılaşdığımız problemi iş dünyası ilə bölüşmək istəyirəm:
1. Bizə ilk olaraq yanlış qaimə göndərdilər. Problemi həll etdikdən sonra sırf şirkət nömrələrimiz bağlanmasın deyə, qaimənin səhv olmasına baxmayaraq ödənişi dərhal etdik.
2. Ödəniş olunmasına baxmayaraq, şirkətin korporativ nömrələri artıq 10 gündür ki, bağlıdır. Heç bir yerə zəng etmək olmur, işimiz tamamilə dayanıb.
3. Günlərdir aidiyyatı şəxslərlə əlaqə saxlayırıq, hər dəfə ancaq "baxılacaq, həll ediləcək" deyirlər. Amma ortada heç bir nəticə yoxdur.
Ödənişini edən korporativ müştərini 10 günə yaxınıdır telefonsuz qoymaq və problemi həll etməmək böyük məsuliyyətsizlikdir.
Şirkətlərə Azercell ilə əməkdaşlığı qətiyyən tövsiyə etmirik. Bu hadisədən sonra biz də Azercell ilə əməkdaşlığımızı sonlandırmağı və fərqli provayderlər ilə davam etməyi düşünürük..."