Tanınmış hüquq müdafiəçisi, Neftçilərin Hüquqlarının Müdafiəsi Təşkilatının (NHMT) sədri Mirvari Qəhrəmanlı özünün sosial şəbəkə hesabında bir gün əvvəl anonsunu etdiyi bir proseslə bağlı yeni bilgiləri ictimailəşdirib. "DİA-AZ" xəbər verir ki, burada söhbət SOCAR Azəriqaz İstehsalat Birliyində planlaşdırılan BÖYÜK İXTİSAR DALĞASINDAN gedir...

NHMT sədri açıqlamasında bildirir: "Aldığım məlumatda qeyd etdiyim kimi SOCAR Azəriqaz İB Qaz Paylayıcı Stansiyalarında (QPS) operator xidmətinin mərhələli ləğvinə başlayır. Bu ilin sonunadək regionlarda qaz paylayıcı stansiyalarda operator xidmətinin mərhələli şəkildə ləğvi və sistemin avtomatlaşdırılmış idarəetməyə keçirilməsi planlaşdırılır.

İyul ayı üzrə birinci mərhələdə operator xidməti ləğv ediləcək 12 QPS ;

Ağdaş QPS (Zaqatala RQİİ)

Astara QPS (Lənkəran RQİİ)

Dan Ulduzu QPS (Tərtər RQİİ)

Dəhnəxəlili QPS (Zaqatala RQİİ)

Hacıqabul 1 QPS (Salyan RQİİ)

Kürdəmir QPS (Ağsu RQİİ)

Mərəzə QPS (Ağsu RQİİ)

Norm QPS (Bakı RQİİ)

Ovcubərə QPS (Lənkəran RQİİ)

Şıxlı QPS (Şəmkir RQİİ)

Yenikənd QPS (Gəncə RQİİ)

Yuxarı Salahlı QPS (Şəmkir RQİİ)

Onu da əlavə olaraq qeyd edim ki, deyilənə görə, ilin sonunadak 75 QPS -n ləğvi planlaşdırılır..."

"DİA-AZ " bir daha vurğulayır ki, bütün bunların fonunda nəinki AzəriQaz-ın, SOCAR-ın digər qurumlarının da mərkəzi ofislərində rəhbər şəxslərin sayı artırılır, yeni qurumlar yaradılır, ştatlar açılır. Bir sözlə, SOCAR-da "ayaq"la "baş" arasında fərq böyükdür...