"Dövlət qurumları fəaliyyətinin operativliyini və effektivliyini artırmaq üçün bir çox qurumları birləşdirirlər..." "DİA-AZ" xəbər verir ki, bunu özünün sosial şəbəkə hesabında Beynəlxalq İnsan Hüquqlarının Müdafiəsi və Əməkdaşlıq Alyansının sədri Rəşad Quliyev qeyd edib.

Diaspora fəalı etiraz dolu müraciətində daha sonra fikrini belə davam etdirir: "Amma Təhsil Nazirliyində agentliklər, müxtəlif qurumlar yaradılır. 10 milyonluq ölkədə nə qədər agentlik, təhsilə bağlı qurum ola bilər?!

Ölkədə ən problemli qurumlardan biri də Təhsildə Keyfiyyətə Təminat adı ilə yaranmış qurumdur.

Bu qurum elə hesab edir ki, bunlara səlahiyyət verilibsə bunları ağıllarına gələni etməlidirlər. Göndərilən müraciətlərin əksəriyyətinə "yox" deyib geri göndərirlər. Adamlarin xəmirləri sanki rədd, imtina ilə yoğrulub.

Bunlarda bu qədər topluma , insanlara nifrət hardandır?

Niyə vətəndaşlara kömək etmək əvəzinə maneə yaratmaqla məşğuldurlar.

Şəxsən 10-larca insan tanıyıram ki, ilk öncə rədd gələn sənədə sonradan müəyyən "şirinlik" qarşılığında təsdiq gəlib. Altınızda xidməti maşınlar, oturduğunuz qurumun imkanlarından yararlanıbözünüzə fövqaladə imkanlar yaradırsınız, aylıq məvacibiniz, gəliriniz imkan vermədiyi halda bahalı maşınlar, villalar, biznes imkanlarınız... Olsun, olsun da bir az insanlara da mərhəmət edin. Nə vaxt bu topluma normal xidmət edəcəksiniz?

Agentliyin İdarə Heyyətinin sədri Tural Əhmədova tövsiyyə edirəm ki, xarici diplomların tanınması idarəsində islahat aparsın. Göndərilən müraciətləri araşdırmadan, hətta araşdırsalar belə vətəndaşın işini yüngülləşdirəcək deyil ağırlaşdıracaq qərarlar qəbul olunur.

Diplomların tanınması şöbəsinə geniş, hüquqi cəhətdən ciddi əsaslandırılmış məktub göndəririk qarşılığında bizə şablon , hansı dildə yazıldığı müəyyən olunmayan bir cavab göndərirlər. Sonra yenidən izah göndəririk ki sənədlərə yaxşı bax biz bu faktı qeyd etmişik və sənədlərin arasında bu sənəd də var. Sonradan çatır bunlara ki, sənədlərə normal baxmaq lazımdır..."