Mikayıl Cabbarov SOCAR-ı görün, nə günə salıb... - HƏRC-MƏRCLİK var idi deyir, amma...
“SOCAR-da hərc-mərclik də var idi, qeyri-səmərəlilik də”. "DİA-AZ" xəbər verir ki, bunu bir neçə gün əvvəl iqtisadiyyat naziri Mikayıl Cabbarov Milli Məclisin İqtisadi siyasət, sənaye və sahibkarlıq komitəsinin iclasında “2026-cı il dövlət büdcəsi haqqında” qanun layihəsinin müzakirəsi zamanı bildirib.
Nazir qeyd edib ki, SOCAR-ın son 5 ildə xalis mənfəəti təxminən 2 dəfədən çox artıb. Msələnin bu tərəfi ayrı bir müzakirə mövzusudur. "DİA-AZ" qeyd edir ki, nazirin "SOCAR-da hərc-mərclik var idi" açıqlaması geniş müzakirəyə səbəb olub. Özünün sosial şəbəkə hesabında bu açıqlamaya reaksiya verən Neftçilərin Hüquqlarının Müdafiəsi Təşkilatının (NHMT) sədri, tanınmış hüquq müdafiəçisi Mirvari Qəhrəmanlı "Hərc-mərcli ARDNŞ
.." başlığı ilə belə yazır:
"Cənab
SOCAR Müşahidə Şurasının sədri bu hərc-mərcliyin qarşısını necə aldı!?
Və bu sahədə siyasətini necə davam etdirir:
- neft hasilatı aşağı düşdü, peşəkar kadrlar başqa "peşəkar"kadrlarla (köhnə neftçi demişkən "kaçalka görməyən") əvəz olundu və onlara təyin olunduqları gündən (peşəkarlığını sübut etməyə ehtiyac görülmədən) əmək haqlarına yüksək peşəkarlıq əmsalı da tədbiq olundu. İşçilərin əmək haqları artırılmadı, İndi də bu "hərc-mərcliyə" səbəb olan işçilərin kütləvi ixtisarı gedir. Bu isə ölkədə işsizliyin artmasına şirkətin "töhfəsidir".
Bu sahədə ən güclü göstərici
Azəriqaz İB -da müşahidə olunur. Xadimə qadınlar( 80 nəfər), çilingərlər, qaz nəzarətçiləri, bir sözlə aşağı vəzifə sahibləri. Əksərinin də ailə vəziyyəti ağır. Həm də ölkə qanunlarını pozmaqla.
Azneft İB isə bu sahədə daha fərqli üsula əl atıb.
Yaşı 60+ olanlar ərizə yazıb sakitcə işdən öz xoşları ilə getsin. Yoxsa imtahan! (hədə,psixoloji təzyiq) bir hissəsi Downstreama çevrilmiş (dövlət dili haqqında qanun!!) Neftayırma zavodu isə daha irəli gedərək 50+ yaşlı işçlərə işdənçxma ərizəsi yazmağaı təklif etdi. Proses sürətlə davam edir.
Son olaraq isə Mikayıl müəllimdən bunu soruşuram: neçə yaşınız var sizin? 50+?
"
