Mayın 19-da Moskvada temperatur 30,5 dərəcəyə yüksələrək rekord qırıb.
Axar.az xəbər verir ki, bu barədə Rusiya Hidrometeoroloji Mərkəzindən məlumat verilib.
“Moskva vaxtı ilə saat 15:10-da (Bakı vaxtı ilə 16:10) Krasnopresnenskaya metro stansiyası rayonunda hava stansiyası havanın temperaturunu 30,5 dərəcə Selsi olaraq qeydə alıb. Bu, meteoroloji müşahidələr tarixində 19 may üçün ən yüksək göstəricidir”, - məlumatda qeyd olunub.
