Beyləqandan PİA.AZ daxil olan məlumata görə rayon Mədəniyyət və Turizm şöbəsinin müdiri Nazim Mirzəyev korrupsiya bazarında sözün əsl mənasında “qaz vurub qazan” doldurur.
Daxil olan məlumatda göstərilir ki, hazırda rayonun ən korrupsiyalaşmış büdcə təşkilatı olan Mədəniyyət və Turizm şöbəsi bir neçə məmurun əlində cəmləşib. Və həmin məmurlar bu şöbə vasitəsi ilə külli miqdarda vəsait silirlər.
Məlumata əsasən Beyləqan rayon Mədəniyyət və Turizm şöbəsinin nəzdində 19 mədəniyyət evi, 17 kənd klubu, 1 şəhər, 35 kənd kitabxanası, 1 musiqi məktəbi, 2 muzey, 2 mərkəz fəaliyyət göstərir və şöbədə 370-dən artıq işçi çalışmaqdadır. Məlumatlı mənbə bildirir ki, Beyləqan rayon Mədəniyyət və Turizm Şöbəsi müdiri Nazim Mirzəyevin işi ancaq maliyyə əməliyyatları etmək, daha doğrusu saxta sənədlər əsasında dövlətin şöbəninin fəaliyyəti üçün ayırdıbı vəsaitləri silməkdən ibarətdir. Yəni Beyləqanda nə qədər axtarsalar beləmədəniyyət və turizm adına nəyisə tapmaq çox müşkül məsələdir. Amma Nazim Mirzəyevin tərtib etdiyi sənədlərə nəzər salınarsa, mədəniyyət evlərinin, klubların, həmçinin kitabxanaların il boyu dayanmadan fəaliyyətdə olduğunu görmək olar. Halbuki 100 beyləqanlı arasında sorğu keçirilsə və onlardan Beyləqanda kitabxananın, mədəniyyət evinin, klubun yerini soruşsalar, yəqin ki, hamı təəccüblə bir-birinin üzünə baxar.
Amma buna baxmayaraq hər il Beyləqan rayon Mədəniyyət və Turizm Şöbəsinə yüz min manatlarla vəsait ayrılır. İdarə müdiri baş mühasiblə ilə birləşərək il boyu həmin vəsaitləri sadəcə nəqdləşdirməklə məşcul olur və daha sonra həmin vəsaitlərin hara yoxa çıxdığını ancaq təxmin etmək olar. Nəqdləşdirilən vəsaitlərin yerinə isə saxta sənədlər tikilir. Yəni Beyləqan rayon Mədəniyyət və Turizm Şöbəsində bir neçə nəfər yüz minlərlə manatı bu qədər asan qazana bilirlər.
PİA.AZ-a daxil olan məlumatda göstərilir ki, Beyləqan rayon Mədəniyyət və Turizm Şöbəsində maliyyə maxinasiyaları Nazim Mirzəyevin baş mühasibinə məxsus “Elmir-Murad” MMC vasitəsi ilə və birdə köçürülən pulun 12 faiz ödədikləri “Mirdamət-2008” MMC ilə həyata keçirilir. Mənbə bildirir ki, son 1 ildə bu MMC-lər vasitəsi ilə Nazim Mirzəyev üst-üstə 200 min manatdan çox vəsait silib.
Ayrılan vəsaitlər isə öz növbəsində avadanalıqların, inventarların, dəftərxana ləvazimatlarının, maşın ehtiyyat hissələrinin alınması və digər xərclər adı altında sənədləşdirilib. Mənbə qeyd edir ki, Beyləqan şəhərindən və Dünyamallar, Şahsevən kənd mədəniyyət evlərindən başqa 16 mədəniyyət evi formal olaraq fəaliyyət göstərir. Belə ki, rayonun Təzəkənd, Bolsulu, Kəbirli, Milabad, Allahyarlı, Qəhrəmanlı, Aşıxlı, Əlnəzərli və digər kəndlərdəki mədəniyyət evlərində işləyən işçilərin əksəriyyətinin sadəcə adları mövcuddur. Onların maaşını da idarə müdiri ilə baş mühasib öz aralarında bölüşürlər.
Bundan başqa məlumatda göstərilir ki, kəndlərdəki klublar isə demək olar ki, yoxdur. Mənbənin iddasına görə Yeni Mil, Milabad, Qəhrəmanlı, Təzəkənd, Bolsulu, Aran, Aşıqlı, Qarallar, İmamverdilər, Eyvazallar, Binnətli, Talıbxanlı, Şərq və digər kəndlərdəki klublar demək olar ki, yox vəziyyətindədirlər. Həmin klublar ya çayxana yadakı mağaza kimi fəaliyyət göstərir. Və təbii ki, Nazim Mirzəyev kommersiya obyektinə çevirdiyi bu В«mədəniyyət evləri və klublardanВ» heç də az qazanmır.
Həmçinin rayonun bütün kənd kitabxanalarınında çayxanaya, ya da dükana çevrildiyi qeyd olunur. Yalnız rayon mərkəzi, Dünyamallar kənd, Şahsevən kənd və Kəbirli kənd kitabxanaları fəaliyyət göstərir ki, bu kitabxanaların bazası da sovet dönəmindən qalmadır. Yerdə qalan 32 kitabxana isə Nazim Mirzəyevin sənədlərində fəaliyyət göstərir.
Qeyd olunur ki, idarə müdirinin mədəniyyət evlərinin və klubların adına yazılan “ölü” canların adına verilən əmək haqqını baş mühasib vasitəsi ilə hər ay gizli şəkildə bankdan çıxardır. Bildirilir ki, Nazim Mirzəyev В«ölü canВ»ların adına yazdığı maaşların hesabına ayda ən azı 7000 min manata yaxın təmiz qazanc əldə edir.
Məlumatda qeyd olunur ki, Nazim Mirzəyev son 1 ildə formal olaraq fəaliyyət göstərən mədəniyyət evlərinin, klubların cari təmirinə 100 min manata yaxın vəsait silib. Bu vəsait ayrılama və silmə əməliyyatında sözsüz ki, rayon maliyyə idarəsinin müdiri Oktay Hacıyevin “əməyi” danılmazdır. Çünki adı olub özü olmayan klubların, mədəniyyət evlərinin, kitabxanaların cari təmiri üçün ayrılan vəsaitlərin 15 faizinin məhz Oktay Hacıyevə çatdığı iddia olunur.
Daxil olan məlumata əsasən Nazim Mirzəyevlə Oktay Hacıyevin maliyyə maxinasiyalarından biri də olmayan klublara, mədəniyyət evlərinə və kitabxanalara qış ayları üçün odun yanacağının alınmasıdır. Belə ki, ancaq sənədlərdə fəaliyyət göstərən Beyləqan В«mədəniyyət ocaqlarınaВ» ötən il 35 min manat vəsait В«odunВ» sənədləşdirib. Bu isə göründüyü kimi birbaşa maxinasiyadır.
Məlumatlı mənbə onu da bildirir ki, Nazim Mirzəyev son 8 ayda şəhər musiqi məktəbinə 10 nəfərə yaxın şəxsi işə götürüb. Həmin şəxslərdən isə işə qəbul olunmaları üçün 2000-3000 manat arası rüşvət aldığı iddia olunur.
Qarşı tərəfin mövqeyini dərc etməyə hazırıq…
