Venesuelanın Karakas şəhərindəki "RV-1" reaktorundan 13,5 kiloqram zənginləşdirilmiş uran ölkədən çıxarılaraq ABŞ-a aparılıb.
APA xəbər verir ki, bu barədə ABŞ Energetika Nazirliyi açıqlama verib.
20 faiz zənginləşdirmə həddini aşan bu materialın 1991-ci ildə reaktordakı tədqiqat fəaliyyətləri başa çatdıqdan sonra artıq qaldığı bildirilir.
Reaktordan təhlükəsiz şəkildə çıxarıldıqdan sonra uran Venesueladakı bir limana aparılaraq xüsusi gəmiyə yüklənib və ABŞ-a göndərilib.
