Türkiyə aviaşirkətləri Moskvaya uçuşları ləğv edir.

APA-nın Rusiya bürosu xəbər ki, son 24 saat ərzində Moskvanın üç hava limanında artıq 77 uçuş təxirə salınıb və ya ləğv edilib.

"Pegasus" Moskvaya uçuşu ləğv edib və daha iki təyyarəni geri qaytarıb. Sərnişinlərə Rusiyanın hava məkanındakı vəziyyətə görə bu addımın atıldığı bildirilib.

PC1456 Bodrum-Moskva reysindəki sərnişinlər Ostorojno Novosti-yə bildiriblər ki, Vnukovodan saat 00:05-də yola düşməli idilər, lakin uçuş təyyarəyə minik zamanı ləğv edilib. Onların sözlərinə görə, aviaşirkət nümayəndələri bunu "hava məkanı vəziyyəti" ilə əlaqələndirib və Türkiyə aviaşirkəti bütün uçuşları buna görə ləğv etdiyini bildiriblər.

"Nə gözləyəcəyimizi bilmirik, türkiyəli həmkarımız uçuşları qadağan edir", - deyə sərnişinlər Pegasus işçilərinin dediklərini bildiriblər. Turistlərə günortaya qədər otel verilib, lakin onlara yeni uçuş vaxtı barədə məlumat verilməyib.

PC1576 Antalya-Moskva reysi Litva üzərindən geri dönüb və PC1521 İzmir-Moskva reysi də Türkiyəyə qayıdıb.

Qeyd edək ki,aviasiya risklərinin qiymətləndirilməsi şirkəti olan Osprey Flight Solutions ayrıca xəbərdarlıq edib. Reuters-in məlumatına görə, o, aviaşirkətlərə Moskva və Sankt-Peterburq yaxınlığındakı ərazilər də daxil olmaqla, Rusiya ərazisinin dərinliklərindəki hücumların bu ilin sonuna qədər qaçılmaz olacağı barədə məlumat verib. Şirkət həmçinin səhv hesablamalar və hava hücumundan müdafiə sistemləri tərəfindən hədəflərin səhv müəyyən edilməsi riski barədə xəbərdarlıq edib.

Ukrayna prezidenti Volodimir Zelenski Rusiyanın hava məkanını qapadacaqları ilə bağlı Moskvanı təhdid edib.

Rusiya prezidenti Vladimir Putin Zelenskinin təhdidini "dövlət terrorizmi" adlandırıb. Rusiyanın nəqliyyat naziri Nikitin isə Zelenskinin ölkənin hava məkanını bağlamaqla bağlı təhdidlərini şərh edərkən bildirib ki, Rusiya mülki aviasiya əməliyyatlarında ciddi pozuntulara yol verməyəcək.