Salyan rayon İcra Hakimiyyəti son bir ildə 4 tender keçirib.

Tribunainfo.az xəbər verir ki, həmin tenderlərdən birinin nəticəsi isə dünən açıqlanıb.

Məlumatda deyilir ki, İcra Hakimiyyəti Salyan şəhər küçələrində yolların əsaslı təmir işlərini həyata keçirəcək. Bununla əlaqədar “VNM İNŞAAT” MMC ilə satınalma müqaviləsi bağlayıb. Həmin işləri şirkət 1 milyon 328 min 483 manata görəcək.

Digər tender isə avqustun 29-da baş tutub. Salyan İcra Hakimiyyəti Salyan şəhər küçələrində və Bayraq meydanında abadlıq işləri və çoxmənzilli kommunal binada əsaslı təmir işləri reallaşdırmağı qərara alıb. “SQS GROUP” MMC ilə əldə olunmuş razılaşmaya əsasən bu işlərin həyata keçirilməsi 1 milyon 112 min 261 manata başa gələcək.

“SQS GROUP” MMC ilə Salyan İcra Hakimiyyəti arasında daha bir anşlaşma isə iyulun 17-də olub. Salyan şəhərində abadlıq işləri və çoxmənzilli binalarda görüləcək təmir işlərinə görə anlaşan tərəflər 1 milyon 108 min 816 manatlıq müqavilə bağlayıblar.

Tribunainfo.az-ın açıq mənbələr üzərindən apardığı araçdırma zamanı məlum olub ki, “SQS Group” MMC 2017-ci ildə qeydiyyata alınıb. Nizamnamə kapitalı 10 manat olan şirkətin qanuni təmsilçisi Quliyev Qardaşxan Əliş oğludur.

“SQS Group” MMC-nin saytında yeləşdiriləm məlumatlardan aydın olur ki, şirkət əsasən sənaye sahəsində fəaliyyət göstərir. Lakin bununla belə, tikinti və abadlıq işləri də həyata keçirir.

Bu əsnada açıq mənbələrə qeyd edilir ki, “SQS Group” MMC-in qatılacağı tenderləri Aydan Abdurahmanova reallaşdırır. Belə ki, o, şirkətin tenderlərlə bağlı məsələlər üzrə məsul şəxsidir.

Xatırladaq ki, Salyanın icra başçısı Rüstəm Xəlilovdur.