Kommersant.az xəbər verir ki, ikinci Qarabağ veteranı Ş.Şirinov “Bank of Baku” əməkdaşlarının onun atasına hər gün zəng edərək “oğlunuzun kredit borcu var” deməsindən narahatlığını ifadə edir. Onun sözlərinə görə, bankın 012-310-12-26 telefon nömrəsindən atasına olunan zənglərlə bağlı banka müraciət etsə də, nəticə ala bilmir.

Ş.Şirinov 2023-cü ildə “Bank of Baku”dan 10.500 manat nağd pul krediti və 3.050 manat dəyərində “bolkart” plastik kartı əldə edib. 2025-ci ilin yay aylarınadək ödənişlərini həyata keçirən Ş.Şirinov sonradan ödəmə imkanı olmayıb. Kredit borcunu ödəyə bilməyən qazi Ş.Şirinov banka müraciət edərək restrukturizasiya tələb etsə də, bankdan imtina cavabı alıb:

“Mən restrukturizasiya üçün “Bank of Baku”ya 3 dəfə müraciət etmişəm. Bankdan mənə dedilər ki, Mərkəzi Bank kreditinizin restrukturizasiyasına icazə vermir.

Əldə etdiyim “bolkart”a gör 120, nağd pul kreditinə görə isə 318 manat kredit 438 manat ödəyə bilmədiyimi və nağd pul kreditimin aylığını 120 manata ödənişi edirəm. Yanvar ayında “Bank of Baku”ya müraciətimdə aylıq ödənişləri endirərək kreditin vaxtını uzatmağı xahiş etdim. Bu müraciətimə bank tərəfindən imtina gəldi. Mən də hər ay sözügedən kreditə görə 120 manat ödəməyə başladım. Bankdan buna görə mənə zəng edəndə “xahiş edirəm ki, məni məhkəməyə verin, hakim gəlirlərimə baxıb aylıq ödənişim üçün qərar versin” dedim. Bundan sonra demək olar ki, hər gün bank tərəfindən atama zənglər gəlir. Atam mənim zaminim deyil və buna görə də “Bank of Baku”ya zəng edərək iradımı bildirdim. Buna baxmayaraq hələ də yaşlı atamı narahat etməyə davam edirlər”.