Şərurda xeyli qazi evsiz qaldığı halda, predizentin keçmiş köməkçisi Əli Həsənova şəhid ailələri və qazilər üçün nəzərdə tutlan binada mənzil hədiyyə olunuğu bildirilir. “Gündəlik Naxçıvan”a danışan bir qrup qazi deyir ki, həmin binadakı əlavə iki mənzili isə yerli irca baçşısı mənimsəyib.

Təhülükəsizliyi səbəbindən adının çəkilməsini istəməyən qazilərdən biri deyir ki, illərdir ev üçün müraciət etsə də, müsbət cavab ala bilmir. Qaziyə daha çox təsir edənsə, onlara çatacaq mənzillərin aidiyyəti olmayan şəxslərə verilməsidir:

“Rayon mərkəzində el arasında „şəhidlər binası” adlanan, qazi və şəhid ailələri üçün nəzərdə tutulan binadakı mənzillər yüksək vəzifəli şəxslərə verilir, mənim kimi vətən üçün canın qoyanlar isə kirayələrdə yaşayır. Baçşı Kamal müəllim bizə aid olan binada yan-yana iki mənzil götürüb, birləşdirib ki, böyük olsun. Təmiri yeni bitirib. Əli Həsənov da onun qonşusudur bu binada. Axı, Əli Həsənovun nəyi yoxdur? Niyə utanmadan şəhid ailələri və qazilərin evinə göz dikir? Bu sözlər irca hamikinə də aiddir. Utanıb, yerə girmirlər.”

Adının çəkilməsini istəməyən şəhid qardaşı da bu haqsızlıqdan şikayətçidir:

“Qardaşım vətən uğrunda qəhrəmanca şəhid olub, onun ailəsinə çatacaq mənzili evilərinin sayını itirmiş harınlamış məmurlara verirlər. Onlar onsuz da rüşvət və korrupsiya yolu ilə milyonlar qazanıblar, pullarını qoymağa yer tapmırlar. İndi də şəhid ailələrinin mənzillərini yiyələnirlər. Şikayət edəndə də hədə-qorxu gəlirlər.”

Şəhid ailələri və qazilər müvafiq qurumlara müraciət edərək, onların haqqı olan evlərin geri qaytarılmasını tələb edirlər.