Ötən gün İrəvandan qaçarkən saxlanılan Ermənistanın sabiq prezidenti Robert Köçəryanın ölkədən çıxışına qadağa qoyulub.
Globalinfo.az xəbər verir ki, bunu Köçəryanın ofisinin rəhbəri Baqrat Mikoyan açıqlayıb.
O bildirib ki, Köçaryan “Zvartnots” hava limanında səbəb izah edilmədən saxlanılıb və ona ölkədən çıxışına qadağa qoyulduğu açıqlanıb.
Xatırladaq ki, Ermənistanın Baş naziri Nikol Paşinyan seçkidən sonra Köçəryan-Sərkisyan tandemi ilə bağlı cinayət işinə yenidən baxılacağını anonsunu vermişdi. Paşinyanın yaxın müddətdə sözügedən şəxslərlə bağlı mühüm qərarlar verəcəyi gözlənilir.
