"Saathesabı əməkhaqqıya keçid layihəsi hazırda hökümətə təqdim edilib və müzakirə çərçivəsindədir".
Bu fikirləri Dövlət Əmək Müfəttişliyi Xidməti tərəfindən keçirilən mətbuat konfransında Xidmətin rəisi Vəli Quliyev “Dövlət Əmək Müfəttişliyi Xidmətinin 2025-ci il üzrə gördüyü işlər və 2026-cı il üçün hədəfləri” mövzusunda çıxış edərkən deyib.
O bildirib ki, bu istiqamətdə məhələli işlər nəzərdə tutulub.
“Bir çox ölkələrdə həm aylıq minimum əməkaqqı, həm saathesabı maaş sistemi mezanizmi mövcuddur. Azərbaycanda saathesabı əmək müqaviləsinə ilkin mərhələdə natamam əmək müqaviləsi, həmçinin 1 aylıq əmək müaviləsi ilə işləyənlərin keçidi planlaşdırılır”.
Saathesabı əməkhaqqının baza məbləği hansı meyarlarla müəyyən ediləcək?
Mövzu ilə bağlı “Cebheinfo.az”-a açıqlamasında iqtisadçı-ekspert Natiq Cəfərli bildirib ki, saatlıq iş rejimi o zaman effekt verir ki, işçinin seçim imkanları olur:
“Azərbaycanda minimum əməkhaqqının saatlıq tətbiqi açığı çox çətin görünür. Çünki ölkəmizdə əmək bazarının strukturu çox fərqlidir. Bizdə muzdla çalışanların yarısı dövlət orqanlarında çalışır və büdcədən maaş alır. Yəni onları saatlıq iş rejiminə keçirmək o qədər də asan olmayacaq. Bu sistemi ölkəmizdə biznes sahəsində də tətbiq etmək çətindir.
İş yerlərinin özündə problem var. Saatlıq iş rejimi o zaman effekt verir ki, işçinin seçim imkanları olur, yəni seçim imkanları daha geniş olur. İşə götürənlər də işçinin üzərində “əsir”. Amma ölkəmizdə elə deyil axı, bizdə iş yerləri ilə bağlı rəqabət həddindən artıq yüksəkdir”.
O qeyd edib ki, özəl şirkətlərdə də saatlıq iş rejiminə keçmək çətin olacaq:
“Bizdə qanunvericiliyin bir çox qanun layihələrində minimum aylıq əməkhaqqı anlayışı var. Əgər bu anlayış ləğv olunacaqsa, gərək onda minlərlə qanunvericiliyə dəyişiklik olsun. Bu da uzun hüquqi prosedurdur.
Bundan başqa, hesablama qaydaları dəyişməlidir. Məsələn, bizdə aylıq əməkhaqqı 400 manatdırsa, bu saatlıq hesablanacaqmı?
Saatlıq hesablansa, 5 günlük iş həftəsini götürsək, 2 manatdan biraz çox, 6 günlük iş həftəsi götürsək isə 2 manata yaxın məbləğ alınacaq.
Saatlıq iş rejiminə keçənlər 2 saat vətəndaş bir yerdə işləyirsə, 4 manat alacaqsa, gün ərzində bu böyük məbləğ deyil axı.
Yəni ona görə də çox çətin prosesdir. İdeya olaraq maraqlı, cəlbedicidir. Amma Azərbaycanda tətbiqi uzun zaman tələb edəcək”.
