KEÇMİŞ REKTOR RƏSMƏN SİYASƏTƏ QOŞULUR
DİA.AZ: - Aprelin 6 da İsveçrənin Bazel şəhərində Avropada yaşayan azərbaycanlıların iştirakı ilə Avropa Azərbaycanlıları Milli Birlik Şurasının təsis konfransı keçirilib. Bu barədə DİA.AZ-a qurumdan məlumat verilib.Təsis konfransında Avropanın 7 ölkəsindən 85 nümayəndə iştirak etmişdir. Eyni zamanda Rusiya, Kanada, Ukraina və Türkiyədən iştirakçılar skype vassitəsilə konfransın işinə qatılmışlar.
Konfransının birinci hissəsinə moderatorluq edən Coşqun Feyzullazadə tədibiri açıq elan edərək bildirdi ki, konfransın birinci hissəsi “Azərbaycandakı mövcud ictimai – siyasi vəziyyət və ondan çıxış yolları” na həsr edilib. Tədbirin başlanğıcında Azərbaycan Liberal Demokrat Partiyasının lideri Lalə Şövkət Hacıyeva telefon bağlantısı ilə çıxış edərək konfransı işini dəstəklədi və ona uğurlar arzu etdi. Daha sonra AXCP nın sədri Ə.Kərimlinin konfrans iştirakçılarına təbriki çatdırıldı.
Tədbirdə İsveçrə Parlamenti Sosial Demokrat Fraksiyasının sədri A.Qross, İsveçrə Yaşıllar və Sosial Demokratlar Partiyasından, Bazel Sradt prezidenti Guy Morin, Zürix stadt rehbərliyindən, Amnesty İnternational təşkilatı, Avropa Xarici Siyasət jurnalı baş redaktoru H.Y.Zahorka, BMT Cenevrədəki İnsan Haqları komissarlığı tərəfindən göndərilən təbrik e –mailleri və teleqramları oxundu.
İlk olaraq çıxış edən Qabil Rzayev 1969 cu ildən H.Əliyevin Azərbaycanda hakimiyyətə gəldiyi gündən yeridilən siyasıtdın danışaraq bildirdi ki, həmin siyasətin əsas məqsədi ilk növbədə xalqda özünə inamın məhf edilməsinə yönəlmişdir. 1993 cü ildə hərbi – dövlət çevrilişi nəticəsində yenidən hakimiyyətə gəlmiş H.Əliyev bu dəfə ölkənin bütün sərvətini mənimsəmiş və ölkədə sülalə diktaturası qurmuşdur. Bu gün isə, bizim qarçımızda duran əsas məsələ İ.Əliyevin bir diktator olduğunu dünya ictimaiyyətinin diqqətinə çatdırılmasına nail olmaqdır.
Bundan sonra, cıxış üçün söz ABU nun keçmiş rektoru prof. Elşad Abdullayevə verildi. O, cıxış edərək bildirdi ki, indiki hakimiyyət Azərbaycanda xalqla bir vətəndaş kimi deyil, işğalçı kimi davranır. E.Abdullayev qeyd etdi ki, “Avropaya , Strasburq məhkəməsinə mən özüm gəlməmişəm azərbaycan hökumətinin təkidi ilə gəlmişəm və məqsəd isə məni burda fiziki baxımdan məhv etmək olub.” Daha sonra Dağlıq Qarabağ konfliktinə toxunan cıxışçı bildirdi ki, beynəlxalq hüquq normalarına əsasən Qarabağ Azərbaycanın tərkib hissəsidir və sadəcə olaraq indiki hakimiyyət bu problemi həll etmək niyyətində deyil.
Çıxış edən beynəlxalq hüquq üzrə ekspert Ataxan Əbilov Azərbaycanda mövcud vəziyyətin qeyri – demokratik olduğunu, hökumətin və idarəçiliyin diktaturaya əsaslandığını bildirdi. O, gələcəkdə ölkədə ərazi – inzibati sistemində islahatların vacib olduğunu qeyd etdi. Qrabağ konfliktindən danışan A.Əbilov bildirdi ki, beynəlxalq hüquq baxımından ikinci bir erməni dövlətinin yaradılması mümkün deyil. Çünki, erməni xalqı artıq öz müqəddaratını bir dəfə həll edib və Ermənistan dövləti mövcutdur.
Daha sonra cıxış üçün söz politoloq Surxan Lətifova verildi. O, Azərbaycanda mövcud ictimai – siyasi prosseslərə təsir göstərən faktorları qeyd etdi:
1. Sosial – iqtisadi faktor;
a) Əsgər ölümləri
b) Mülkiyyət hüquqlarının pozulması
c) əhalinin sosial vəziyyəti
2. Hakimiyyət – müxalifət münasibətləri;
3. Dağliq Qarabağ konflikti;
4. Beynəlxalq vəziyyət.
Son 10 mart aksiyası ərəfəsində gənclərin oğurlanaraq həbs edilməsi lakin, bu metodun əhali arasında əks reaksiyaya səbəb olması onu göstərdi ki, hakimiyyət demokratik siyasi texnologiyalar tətbiq etmək imkanına və qabiliyyətinə malik deyil. Eyni zamanda, əksəriyyət artıq həbslərdən və təqiblərdən qorxmurlar. Xalqın ölkədə siyasi prosseslərin əsas aktorlarından birinə çevrilməsi prossesi başlanıb. Sonda, S.Lətifov bütün demokratik qüvvələrin vahid cəbhədə birləşməsinin vacib olduğunu bildirdi.
Konfransda cıxış edən Elnur Məcid Azərbaycandakı mövcud vəziyyətin müqayisəli təhlilini apardı. O qeyd etdi ki, İlham Əliyevin bu il prezident seçkilərində növbəti dəfə namizədliyini verməsi hüquqi baxımdan doğru deyil. Çünki, konstitutsiyaya 2009 cu ildə edilmiş dəyişilik buna imkan vermir. Əsas səbəb isə, bunda bir il əvvəl 2008 ci ildə İ.Əliyevin artıq ikinci müddətə prezident olmasıdır.
Cıxış edən Rəşad Qurbanov bildirdi ki, indiki qnti – demokratik rejimdən yeganə qurtuluş xalqın dəstəyinə əsaslanaraq demokratik qüvvələrin vahid çəbhədə birləşməsidir.
Daha sonra konfransda prof. Canmirzə Mirzəyev, prof. Alec Şarer, Telman Kazımov, Metin Şahin və Fərhad Axundov çıxış erdilər. Bununla da, konfransın birinci hissəsi başa çatdı.
Konfransın ikinci hissəsinə sədrlik edən Surxan Lətifov bildirdi ki , konfransın ikinci hissəsində Avropa Azərbaycanlıları Milli Birlik Şurasının təsis edilməsi, nizamnamənin qəbulu və seçkilər prossesi olacaq. İlk öncə səsvermə nəticəsində Avropa Azərbaycanlıları Milli Birlik Şurası yardıldı. Daha sonra, Qabil Rzayev Avropa Azərbaycanlıları Milli Birlik Şurasının sədri seçildi. Bundan sonra, 21 nəfər AAMBŞ nin Məclisinə üzv seçildi. Ataxan Əbilov yekdilliklə Məclisin sədri seçildi. Eyni zamanda, Şuranın MNTK üzvlər seçildi. Elşad Abdullayev AAMBŞ sədrinin birinci müavini təyin edildi. Bununla da, konfrans öz işini başa çatdırdı.
