Bu gün mərhum prezident Heydər Əliyevin vəfatından 11 il keçir. Heydər Əliyevdən danışılarkan onun xatrəsinə həsr olunmuş “Xalq Heydər söyləyəcək” mahnısı da yada düşür.
Musiqisi bəstəkar Kamala, sözləri nəğməkar-şair Baba Vəziroğluna aid olan mahnı Heydər Əliyevin 75 illik yubileyi münasibətilə 1998-ci il 10 may tarixində təqdim olunub.
2006-cı ildə İctimai Televiziyada yayımlanan "Bir mahnının tarixçəsi" verilişində mahnıya həsr olunmuş eyniadlı film də çəkilib.
Modern.az-ın məlumatına görə, mahnılarını "Kamal" imzası ilə bəstələyən Azərbaycanın fövqəladə hallar naziri Kəmaləddin Heydərovun nota köçürdüyü bəstələr belə demək olar ki, hətta peşəkar bəstəkarların musiqilərni kölgədə qoya bilir. Məsələn, bəstəkarın 2009-cu ildə işıq üzü görən “Sənə güvəndiyim dağlar” adlı 4 diskdən ibarət olan albomunda “Səndən nigaranam”, “Yenə yaz gələcək”, “Xalq Heydər söyləyəcək”, “Ayrılığa dözmərəm” kimi populyar mahnılar yer alır.
Kəmaləddin Heydərovun mahnılarını xalq artistləri Flora Kərimova, Alim Qasımov, Yalçın Rzazadə, İlhamə Quliyeva, Aygün Kazımova, Ağadadaş Ağayev, Zülfiyyə Xanbabayeva, əməkdar artistlər İlqar Muradov, Aygün Bəylər, müğənni Röya kimi tanınmış ifaçılar ifa ediblər.
Onun bəstələdiyi və populyar olan “Xalq Heydər söyləyəcək” mahnısı özünün lirik tonu və həzinliyi ilə yadda qalıb. K.Heydərov İctimai Televiziyada özünün musiqi fəlaliyyəti ilə bağlı danışarkən, “Xalq Heydər söyləyəcək” mahnısının yaranma tarixi barədə də məlumat verib.
Kəmaləddin Heydərov qeyd edib ki, mərhum prezidentlə bağlı düçüncələrini musiqi ilə ifadə etmək onun çətin olub.
“Onun haqqında düşüncələrimi müsiqi ilə ifadə etmək mənim üçün daha çətin məsələ idi. Çünki bu mahnı, onun hansı janrda və mövzuda olması bir anda düşünülüb qısa müddətin məhsulu ola bilməzdi. Amma nəsə eləmək istəyirdim də. Bunu ilk dəfə olaraq söyləyirəm... Əvvələr də mahnılar bəstələmişdim, musiqilər yazmışdım. Amma ürəyimdən keçirdi ki, bu dahi şəxsiyyət haqqında da bir əsərim olsun”-deyə Kəmaləddin Heydərov vurğulayıb.
Fövqəladə hallar naziri bu ideyasını şair Baba Vəziroğluna deyib. “Mən ideyamı və fikrimi Baba Vəziroğluna söylədim. İlkin müzakirədən sonra mahnının kimin oxuyacağını düşündük. O saat ikimiz də fikirləşdik ki, bu mahnını Ağadadaş Ağayev oxumalıdır. Sonra qərara aldıq ki, tək bir müğənni ifa eləməsin. Mahnını bir neçə bizim tanınmış muğənnilər ifa elədilər. İlk dəfə səslənən kimi mahnı çox gözəl alındı”.
Bəstəkar Kamal vurğulayıb ki, mahnı 1998-ci ildə prezident Heydər Əliyevin 75 illik yubileyinə hazırlanıb.
“1998-ci ilin mayın 8-də mahnı tam hazır idi. Hətta saatı da yadımdadı. 1998-ci may ayının 10-da mahnı səsləndirildi. Mahnı “Koroğlu” operasının üverturası ilə başlayır. Daha sonra “Azərbaycan” mahnısı ilə davam edir. Ona həsr edilmiş bu mahnı Heydər Əliyevin çox sevdiyi mahnı idi. Müslüm Maqomayevin ifa etdiyi o mahnı səslənəndə biz həmişə Heydər Əliyevi düşünrdük. Daha sonra bu əsərə Sevil Əliyevanın “Ana mahnısı”dan bir parça qoymuşuq. Mərhum prezident bu müsiqini çox sevirdi. Ən sonda, müsiqi qurtaranda mərhum liderin çox sevdiyi “Ala göz” mahnısından bir neçə not səslənir”.
K.Heydərov bildirir ki, o adətən müəllifi olduğu mahnıların altında öz adının tam yazılmasını getməsini istəməyib, bəstələr “Kamal” imzası ilə tanınıb. Amma “Xalq Heydər söyləyəcək” mahnısı hazır olduqdan sonra bəstəkarı necə təqdim etmək barədə müzakrə aparılıb.
“Mən çox da istəmirdim ki, müsiqilərimin altında adım getsin. Düzdür, musiqi ilə məşğul olmaq mənim hobbimdir. Amma o mahnının müzakirəsi zamanı da məsləhət belə oldu ki, “Kamal” yazılsın”.
FHN rəhbəri vuğulayıb ki, dövlətçilyi qurmaq, müstəqilyi aşılamaq və dövlətin gələcək yaşamasını təmin etmək Heydər Əliyevin vaxtına, bəxtinə və şansına düşüb.
“Bunu heç kəs dana bilməz. “Mən fəxr edirəm ki Azərbaycanlıyam” ifadəsi altında nələr durur? 50 milyonluq xalqın ayağa qaldıran kəlmə idi”-deyə nazir qeyd edib.
“Bu mahnının müəllifi başqa adam olsaydı da mən eyni hisləri keçirərdim. Xoşbəxtəm ki, o mahnının müəliflərindən biri mənəm”-deyə Kəmaləddin Heydərov vurğulayıb.
