Məktəbin ibtidai sinif müəllimi Samirə İsmayılova deyir ki, elə vaxt olur, şagirdlər ümumiyyətlə məktəbə gəlmir.
Quba rayon Çiçi kənd sakinləri övladlarının xarabanı xatırladan məktəbdə təhsil almasına etiraz edirlər.
Sakinlər övladlarını məktəbə göndərməkdən imtina edir
Şəhid Dəyanət İsmayılovun adını daşıyan məktəbdə yüzdən artıq şagird təhsil alır. Ancaq sinif otaqlarında bir-iki şagird gözə dəyir. Məktəbin tavanı uçub-tökülür, partalar, pəncərələr, döşəmələr yararsız vəziyyətdədir. Bu azmış kimi sinif otaqları zibilxanaya çevrilib, məktəbdə antisanitar vəziyyət hökm sürür.
Məktəb xarabalığı xatırladır, qəzalı vəziyyətdədir
Divarlardakı iri çatlar müəllim və şagirdlərin həyatı üçün təhlükəlidir. Məktəbin qapı-pəncərəsi sınıq salxaq olduğundan sinif oraqlarını qızdırmaq mümkün olmur. Üstəlik sinif otağında elektrik enerjisi də yoxdur. Məktəbin ibtidai sinif müəllimi Samirə İsmayılova deyir ki, elə vaxt olur, şagirdlər ümumiyyətlə məktəbə gəlmir. Şükür edirik ki, bu gün 9 şagirdin 2-si dərsdədir.
Məktəbin direktoru Mübariz Aslanov bildirir ki, təhsil ocağı 1983-cü ildə istifadəyə verilib. Hazırkı vəziyyətdə məktəbi təmir etmək mümkün deyil. Yeni binaya ehtiyac var. Qəzalı məktəbdə 113 şagird təhsil alsa da, hazırda sinif otaqlarında cəmi 14 şagird var. Direktor sinif otaqlarının zibilliyə çevrilməsi ilə bağlı bildirib ki, həmin otaqlar istifadə olunmur və nəzarətsiz qaldığına görə, orada belə vəziyyət yaranıb. Bundan sonra həmin otaqlar təmizlənəcək.
Qurum rəsmisi valideynlərə övladlarını məktəbdən yayındırmamağı tövsiyyə edib
Quba-Xaçmaz Regional Təhsil İdarəsinin Quba rayonu üzrə təhsil sektorunun müdiri Pərviz Nurməmmədov kəndə gələrək valideynlərlə danışıb. Valideynlərə övladlarını məktəbdən yayındırmamağı tövsiyyə edib. Yeni məktəb tikintisi ilə bağlı nazirliyə müraciət edildiyini bildirib. Quba-Xaçmaz Regional Təhsil İdarəsinin Quba rayonu üzrə təhsil sektorunun müdiri Pərviz Nurməmmədov Belediyye.netə deyib ki, mövcud vəziyyətlə bağı Çiçi kəndinə baş çəkərək valideynlərələ görüşüb. Valideynlərə övladlarını məktəbdən yayındırmamağı tövsiyyə edib.
Pərviz Nurməmmədov məktəbin qəzalı vəziyyəti ilə bağlı nazirliyə müraciət olunduğunu, nazirlik tərəfindən verilən məlumata əsasən yeni məktəb binasının tikintisinin nəzərdə tutulduğunu bildirib. Pərviz Nurməmmədov onu da deyib ki, təhsil ocağının qəzalı hissələri təmir ediləcək, şagirdlərin təhlükəsizliyi təmin olunacaq.
DİA.AZ mövzu ilə bağlı Belediyye.net-in sujetini təqdim edir:
