Bu gunlərdə Aktualinfo.org onlayn qəzeti Ağdam rayon sakini İfadə Cəfərzadənin ölkə Prezidenti İlham Əliyev cənablarına Ədliyyə Naziri Fikrət Məmmədova və bir çox dövlət qurumlarına üzləşdiyi problemlərlə bağlı müracıətini yaymışdı. O, sözügedən müraciətdə Gədəbəy rayon sakini, vaxtı ilə Təhsil Nazirliyinin nəzdində olan Uşaq Bağçalarının Maddi-Texniki Bazasının müdiri olmuş Nazım Əsgərov tərəfindən aldadıldığını qeyd etmiş, və onun cinayət məsuliyyətinə cəlb olunaraq ona vurulan maddı ziyanın odənilməsini tələb edir. Bəs bu Nazim Əsgərov deyilən şəxs kimdir? Azərbaycanın hüquq mühafizə orqanları onu həbs etməkdə, cəzalandırmaqda bu qədərmi acizdirlər? Bu kimi suallara keçməzdən əvəl İfadə Cəfərzadənin müracıətindən bəzi məqamları oxuculara bir daha xatırlatmaq istərdik. İfadə Cəfərzadə yazır ki,
”2010-cu ildə Nazim mənə dedi ki, Badamdar qəsəbəsindəki villasını təmir etdirmək istəyir. Təklif etdi ki, Binəqədi rayonu, Sulutəpə qəsəsbəsi, küçə 1, ev 8 ünvanında yaşadığım 2 mərtəbəli mənzilimi ”Ekspressbank”a girov qoyub əlli min manat kredit götürərək ona verim. Əvəzində Nazim evində saxladığı kirayəçi ərəblərdən mənə yüz min manat verəcəyinə söz verdi. Mən Nəsimi rayonu, Əcəmi metrosunun yanındakı ”Eksperress” bankın Nəsimi filialından nəzərdə tutulan məbləği girov müqabilində götürüb Nazimə verdim. Bu məslədən əvvəl isə Nazim təklif etmişdi ki, mənim Biləcəri qəsəbəsindəki, sənədsiz ikimərtəbəli, 4 otaqlı evimi satıb Rusiyada qazanclı iş görək. Özünə yaxın makler vasitəsilə evimi satıb iş dalınca özünə yaxın qohumu olan Gözəlov Famil Qasım oğlu ilə birlikdə Rusiyaya getdi. Dedilər ki, bütün pullarını Rusiyada hansısa biznes üçün qoyublar. Nazim həm də məni inandırdı ki, narahat olmayım, borc aldığı pulla Rusiyada qazanc əldə edib artıqlaması ilə qaytaracaq. Lakin bir müddətdən sonra bankdan mənə borcun qaytarılması üçün xəbərdarlıq zəngi olundu. Dərhal Nazimə zəng edib banka olan borcun tam ödənilməsini tələb etdim. Nazim də borcu tam bağladı və evimi girovluqdan azad olunmasına şərait yaratdı. Birinci ev əməliyyatından sonra zənn etdim ki, Nazim girov qoyduğum evin pulunu banka tam ödədi. Bir az arxayınlaşdım. Sonra o bildirdi ki, sən bizə etibarnamə ver ki, evin sənədlərini girov qoyduğumuz bankdan götürək. Mən Ağdam rayonundan bir günlük Bakıya gəlib belə bir etibarnamə verib dərhal rayona qayıtdım. Nazim də mənim Sulutəpə qəsəbəsində yerləşən mülkümün sənədlərini ”Ekspressbank”dan götürüb və bir neçə gündən sonra şəxsi razılığım olmadan “Atabanka” yenidən girov qoyaraq 95000 manat pul götürüb. Hazırda Nərimanov rayon polis İdarəsində barələrində başlanmış istintaqa verdikləri izahatlatda bir daha təsdiq edib ki, bankdan aldığımız 95000 manat pulu iki dəfə aldıq və aramızda bölüşdürdük. Bundan sonra bank qarşısında ödənişin həyta keçməsi üçün öhdəlik götürmüş dələduz dəstənin başçısı Nazim Əsgərov bu müddət ərzində 1 qəpik də olsa pul ödəmədiyinə görə bank mənim mülkümü öz nümayəndəsinin adına sənədləşdirib. Nazim isə işin üstü açıldığından 2017-ci ilin oktyabrınadək Rusiyaya qaçıb gizlənib”.
İfadə Cəfərzadə daha sonra yazır ki, N.Əskərovun başına gətirdikləri fırıldaqla bağlı polisə şikayət etdim və ona qarşı 2015-ci ildə Cinayət Məcəlləsinin 178.3.2 maddəsi ilə cinayət işi başlanıb, barəsində axtarış elan edildi. Amma nədənsə bu cinayət işi sonradan müəmmalı səbəb üzündən bağlandı. Cinayət işi bağlandıqdan dərhal sonra Nazim Əsgərov 2017-ci ilin oktyabrında arxayınlıqla Azərbaycana qayıdıb. Verdiyim yeni şikayət əsasında Nazim Əsgərova qarşı 2017-ci ilin oktyabrında eyni maddə ilə Nərimanov Polis İdarəsində yenidən cinayət işi açılıb və polis müstəntiqi Cavidin icraatına verilib. Nazimin barəsində məcburi gətirilmə tədbiri seçilsə də Gədəbəy rayon Polis İdarəsi əməkdaşları guya o rayonda olmadığı barədə Bakıya rəsmi məlumatlar veriblər. İki gün sonra Nərimanov polisinin əməliyyatçıları tərəfindən axtarışa verilmiş Nazimi Gədəbəy rayonuna gedərək 08 noyabr 2017-ci ildə axşam gizləndiyi evdə həbs edərək Bakıya gətiriblər. Lakin Nərimanov rayon Məhkəməsinin hakimi Samir Məmmədov noyabrın 11-də bu şəxsi sifariş əsasında azadlığa buraxıb.
Verdiyimiz apellyasiya şikayətinə Bakı Apellyasiya məhkəməsində hakim Əmir Bayramov tərəfindən baxılaraq təmin edilməyib, N.Əsgərovun məsələsi araşdırlıması üçün Nərimanov rayon Polis İdarəsinə həvalə edilib. 20 noyabr 2017-ci ildən Nazimlə bağlı başlanılmış cinayət işi hazırda müstəntiq Xosrov Ş,ükürov tərəfindən yekunlaşdırılaraq məhkəməyə təqdim edilib. Nərimanov Məhkəməsinin hakimi isə Nazim Əsgərovu bu dəfə dəsərbəst buraxıb. Baxmayaraq ki, iş materiallarında banka girov qoyulmuş əmlakın hüquqi sənədləri mənim adımadır və Nazimin dələduz dəstəsinə daxil olanlar da yazdıqları izahatlarda bir daha təsdiq ediblər ki, İfadə Cəfərzadənin mülkünü banka girov qoyub əvəzində götürdüyümüz 95000 manat pulu öz aramızda bölüşdürdük. Yəni istintaqa cəlb edilənlər bir daha təsdiq ediblər ki, mənim icazəm olmadan, mənim adımdan çıxış edənlər şəxsi mülkiyyətimi banka girov qoyub götürdükləri pulla mənim xeyrimə iş görmək əvəzinə pulları mənimsəmiş sonradan isə Nazim bank qarşısında şəxsən pulun ödənilməsilə bağlı götürdüyü öhdəliyə əməl etməyərək banka son illər bir manat da olsun vəsait ödəməyib. Yəni dəstə dələduzluqlarını təsdiq ediblər.
Xanm şikayətçi N.Əskərovu qoruyan qüvvənin kim olduğunu da açılayıb: ”Nazimi bu kimi əmələrdən qoruyan həyat yoldaşı Nərminə Məmmədovanın doğma dayısı oğlu Ədliyyə Nazirliyinin Məhkəmə Ekspertizası Mərkəzinin rəisi, Mərkəzi Seçki Komissiyasının (MSK) üzvü Fuad Cavadovdur. Əvvəllər hər dəfə məhkəməyə, polisə şikayət edəndə, Nazim məni yaxın qohumu Fuad Cavadovla hədələyir və deyirdi ki, sən mənə heç nə edə bilməyəcəksən. Mənim Ədliyyə Nazirliyində və “yuxarılarda” Fuad Cavadov kimi yaxın adamım, qohumum var. Bundan başqa, Nazimin digər qohumu isə Bakı şəhər İcra Hakimiyyətinin keçmiş başçısı Rafael Allahverdiyevin müavini olmuş Faiq Məmmədovdur. Nazim qanunsuz əməllərinə görə Rusiyaya qaçmış Faiq Məmmədovun bacısı Nərminə Məmmədovanın həyat yoldaşıdır. Nərminə Məmmədova isə hazırda Azərbaycan Dövlət İqtisad Universitetinin mühasibidir. Hansı ki, bu Faiq Məmmədov da Bakı şəhər İcra Hakimiyyətində R.Allahverdiyev dövründə külli-miqdarda dövlət əmlakını mənimsədiyinə görə o da Nazim kimi bir müddət Rusiyaya qaçaraq gizlənib. Nərminə xanım yaxın adamlarına deyib ki, 200000 manat belə xərcləyəcəyəm və Fuaddan xahiş edəcəyəm ki, İfadə Cəfərzadəyə Nazim 1 qəpik də olsa ödəməsin. Doğrudan da hadisələrin sonrakı gedişləri – Nazimin törətdiyi ağır cinayətə və onun axtarışla həbs edilərək məhkəməyə təqdim edilməsinə baxmayaraq bu dələduz əyyaş dərhal azadlığa buraxılıb. Bakı Apellyasiya Məhkəməsi də yenə Fuad Cavadovun sözünü yerə salmayıb. İşi araşdıran mərhum müstəntiq Cavid də işi tamailə sifariş əsasında bağlamağa cəhd edib. Cavid mənə şəxsən etiraf edib ki, “burada mənlik bir şey yoxdur. Bu işdə mən acizəm. Özün də bilirsən ki, Nazimin arxasında məhz Fuad Cavadov kimi nüfuzlu bir şəxs durur. Hansı ki, məhkəmə və polisə güclü təsiri olan bir adamdır. Odur ki, sənin işin çətin olacaq.”
Barələrində CM-nin 178.3.2 maddəsini tətbiq etmişdir. 6 ay davam edən istintaq hərəkətləri zamanı törədilmiş cinayətin bütün detalları saf-çürük edilmiş və 3 nəfərdən ibarət olan dəlduz dəstənin əməllərinə hüquqi qiymət verilməsi üçün 4 yanvar 2019-cu il tarixində Nərimanov rayon Məhkəməsinə göndərilmişdir. Məhkəmə sədrlik edən hakim Samir Məmmədov tərəfindən 5 yanvar 2019-cu il tarixinə təyin edilmiş və 10 dəqiqəlik proses zamanı iş materialları üzrə toplanmış materialların heç birinə qiymət verməmiş, müstəntiqin çıxışını nəzərə almamış, dəvət edilmiş 2 nəfər şahidləri məhkəmə zalına daxil olmasına imkan verməmiş, dövlət ittihamçısının etirazına məhəl qoymamış, iş üzrə şahid və zərəçəkmişin ailəsinin dələduz dəstənin rəhbəri olmuş N.Əsgərov tərəfindən istintaq prosesi zamanı zənglə ölümlə hədlənmələri, izahatlarından imtina etmələri barədə hədə-qorxu hərəkətlərinə qiymət verilməmiş, istintaqa cəlb edilmiş digər iki nəfər barəsində heç bir məhkəmə araşdırması aparmadan yalnız dəstənin rəhbərinin əsassız istintaqa cəlb edilməsi və beləliklə də 5 müstəntiq tərəfindən 1 il davam edən istintaq hərəkətlərinin əsassız olduğu qənaətinə gələrək, təqsirləndirilən şəxs barəsində hökm elan etməmişdir.
Bəs bu Fuad Cavadov deyilən kimdi? Ədliyyə Nazirliyinin Məhkəmə Ekspertizası Mərkəzinin rəisi vəzifəsini daşıyan Fuad Cavadovun sözügedən nazirlikdə doğrudanmı sözünün qarşısına söz qoyan yoxdur. İfadə Cəfərzadə dəfələrlə Ədliyyə Naziri Fikrət Məmmədova müraciət edib. Bu müracətlərə baxmayaraq yanvarın 4 də Nazim Əsgərov barəsində başlanılmış cinayət işinin istintaqı bir ildən çox davam etməsinə baxmayaraq Nərimanov rayon Məhkəməsindən sərbəst buraxılıb. İfadə Cəfərzadənin sözlərinə görə bunun arxasında da Fuad Cavadov dayanır. Bu qanunsuzluqlara dur deyən olacaqmı? Belə çıxır ki, Nərimanov Prokurorluğunun bir il apardığı istintaq işi əbəs yerəymiş. Hər bir cinayət törətmiş şəxs məhkəmələrdən belə rahat şəkildə buraxılacaqsa onda polis və prokurorluq orqanlarının fəaliyyəti nə üçündür? Yaxud da məhkəmələrin bu cür qərarları polis və prokurorluq orqanlarının işinə kölgə salmırmı? Əslində isə hamı bu şəkildə, rahat məhkəmələrdən yaxa qurtara bılməz. Nazim Əsgərovun arxasında duran olmasaydı o çoxdan cəzasına çatmışdı. Biz məsələ ilə bağlı geniş şərh vermədən öncə Ədliyyə Naziri Fikrət Məmmədovun vətəndaş İfadə Cəfərzadəyə qarşı olan haqsızlıqlara münasibətini öyrənmək istərdik. Bilmək istərdik,görəsən Ədliyyə Nazirliyinin Məhkəmə Ekspertizası Mərkəzinin rəisi Füad Cavadova vətəndaşın hüquqlarını pozmağa şərait yaratmasına “dur” deyən olacaqmı? Qeyd etdiyimiz kimi əks tərəfın də münasibətini dinləməyə hazırıq.
