"Yazıb sizə bildirirəm ki, mən Azər Mirzə Oğlu Mikayılov Dövlət Neft Şirkətinin Abşeron Neft-qaz Çıxarma İdarəsinin quyuların əsaslı yeraltı təmiri sexində işlədiyim müddətdə sex rəisi Əskərov Niyazın şirkətə məxsus və şirkətin işçiləri üçün nəzərdə tutduğu məişət texnikalarını oğurlayaraq mənimsəməsi barəsində aidiyyatı üzrə video-faktlarla müraciət edərək öz şikayətimi bildirmişəm..." "DİA-AZ" xəbər verir ki, bunu SOCAR işçisi özünün ölkə rəhbərliyinə ünvanlanmış müraciətində qeyd edir.

 Azər Mikayılov daha sonra bildirir: "İddialarımda mənim və audit yoxlaması ilə birgə 210-nömrəli DDÖ-də araşdırılaraq öz təsdiqini tapmışdır. Lakin dövlət qanunlarını heçə sayan, işçilərin hüquqlarını kobud qaydada pozan, işçilərin şərəf və ləyaqətini alçaldan, onları şantaj edən, hətta kobud və nalayiq formada söyərək təhqir edən oğru sex rəisi hələ də işində oturaraq öz köhnə qeyri-qanuni əməllərini təkrar etdirməkdədir.

Şükürlər olsun ki ölkə başçımızın yürütdüyü uğurlu daxili və xarici siyasəti nəticəsində,  sülh şəraitində demokratik bir ölkədə yaşayırıq və bu dəyərləri qoruyub saxlamaq vətəndaşlıq və vəzifə borcumuzdur. İlham Əliyev cənablarının ətrafında toplanaraq ölkəmizi belə yararsız qan içən zəlilərdən və daxili düşmənlərdən qorumalıyıq .
Xahiş edirəm bu məsləyə ciddi yanaşaraq, araşdırıb hüquqi qiymət verib, tədbir görülməsi üçün aidiyyəti üzrə göstəriş verəsiniz..."