Neftçilərin Hüquqlarının Müdafiəsi Təşkilatının (NHMT) sədri, tanınmış hüquq müdafiəçisi Mirvari Qəhrəmanlı özünün sosial şəbəkə hesabında növbəti dəfə neft çalışanlarının dərdinə işıq salıb və əlaqədar qurum və şəxslərdən hesabat tələb edib.
"DİA-AZ" olaraq NHMT sədrinin paylaşdığı müraciəti təqdim edirik: "Bu zillət bitmir ki, bitmir. Niyə bitmir: açması yüksək vəzifəli, məsul şəxslərdə!
"Qərbi Abşeron 54"dən neftçilər soruşurlar ki: bilmək istərdik ki, hansı yüksək vəzifəli SOCAR işçisi dəniz obyektlərinə gələndə bizim vəziyyətimizə düşüb?.
Dünən (srağagün) işçilərə gah saat 18.00-da dedilər "gəlin Dübendiyə"... Sonra dedlər, bu gün "smen" olmayacaq...
Daha sonra "saat 15:30-da gəlin, gəmi gedəcək" deyildi.
Camaat rayonlardan, uzaq qəsəbələrdən onlarla ağır yüklə taksiilərdə zülmlə gəldi.
Axşam saat 7- də gəmi tərpəndi, saat 8.30-da qaytarıb boşaltdı milləti limana.
Yüzlərlə ərzaq çantalarını gəmidən gəmiyə, gəmidən "priçal"a eyni qaydada nə zülmlə əziyyətlə daşıdı işçilər.
Yüzlərlə çörək, lavaş. Yağı var, əti var... xarab olan, əzilən ərzaqları... nə qədər daşımaq, əzmek olar?..
Niyə neftçilərin bu əziyyəti, maddi və mənəvi ziyanina görə heç kim məsuliyyət daşimir?!.
Bu qədər çətindirmi "smen"in olub-olmamasını müəyyən etmək? Camaatın bu əziyyəti kimə xoşdur axı???
Kim ödəyəcək bu ziyanı? Bir deyil... iki deyil... Sayı-hesabı yoxdu bu halın...
Nə pul qazanır ki, bu insanlar əlavə bu qədər xərci də çixa... əziyyət də çəkə... ərzaqları da zay ola?..Yollarda itirilmiş günlər üçün heç bir kompensasiya ödənilmir. Bu əziyyətlərə görə nə bir hesabat verilir, nə üzr istənilir, nə də bir məsul şəxs cəzalanır.
Bu özbaşnalıq nə vaxta qədər hökm sürəcək?
Kimdir də müqəssir? Niyə düzəlmir, niyə bacarmillar bu işi?
Çətindirmi bunu dəqiləşdirib, qərar vermək?
Sadəcə Neftçilər illərdi həllini tapmayan bu səriştəsizliyə aydınlıq gətrilməsini tələb edirlər.☝"
