"Azərbaycanın ən böyük mağazalar şəbəkəsi adını daşıyan Kontakt Home, artıq uzun illərdir özünü “etibarlı tərəfdaş”, “müştəri yönümlü brend”, “operativ xidmət” kimi parlaq sözlərlə tanıdır. Amma reallıqda baş verənlər tam əksini sübut edir: boş vədlər, gecikən çatdırılma, cavabsız müraciətlər, şablon mesajlar və sistemli fırıldaqçılıq..." "DİA-AZ" xəbər verir ki, bu barədə Hacıağa Qayıbov adlı sosial şəbəkə istifadəçisi bildirir.
O daha sonra belə davam edir: "Bəli, söhbət məhz sizin – Kontakt Home-dan gedir.Bu gün ölkənin göbəyindən, Bakıdan cəmi 60 km uzaqlıqda yerləşən Ələt qəsəbəsinə 11 gündür çatdırıla bilməyən sifarişdən danışırıq. Diqqət edin: Çindən sifariş verdiyim məhsul 10 günə gəlib çatıb, amma sizin mağazadan aldığım məhsul hələ də ortada yoxdur.Müştəri xidmətlərinə yazırsan – cavab budur:”Salam, Hacıağa bəy. Müraciətlər çox olduğu üçün gecikən cavablandırılmaya görə üzr istəyirik. Məsələ müvafiq şöbəyə yönləndirilib. Gözləməyinizi xahiş edirik.”Eyni sözlər, eyni cümlələr, eyni yalanlar. Şöbə hanı? Məlumat hanı? Operativlik hanı? Gözləmək üçün nə qədər səbirsiz olmalıyam ki, bir həftə, iki həftə keçsin və hələ də “müraciətiniz yönləndirilib” cavabı alım?Kontakt Home-un bu davranışı təkcə mənim yox, yüzlərlə, minlərlə müştərinin başına gəlir. Sizi izləyənlər, şikayətlər yazanlar, sosial şəbəkələrdə etiraz edənlər bu sistemli problemləri illərdir görür. Amma siz görməməzlikdən gəlirsiniz.Bu nə şəffaflıqdır?Bu nə peşəkarlıqdır?Bu nə müştəri məmnuniyyətidir?Sual edirəm: sizin üçün bir müştərinin vaxtı, əsəbi, hüququ bu qədər dəyərsizdirmi?Kontakt Home artıq bir mağazalar şəbəkəsi yox, etibarsızlıq və məsuliyyətsizliyin simvoluna çevrilib. Hər “üzr istəyirik” mesajı ilə, siz daha da etibarsız görünürsünüz. Hər “müraciətiniz yönləndirilib” cümləsi ilə siz öz zəif sisteminizi etiraf edirsiniz.Bu yazı bir vətəndaşın, bir müştərinin, bir haqlı narazının səsi kimi yazıldı. Gözləyirəm ki, bəlkə bəlkə bu səssiz harayınızda bir az cavab tapılsın.Və sonda: Çindən 10 günə gələn məhsul, Bakıdan Ələtə 11 günə gəlib çatmırsa – deməli problem məsafədə deyil, məsuliyyətsizlikdədir..."
