DİA.AZ Xalq artisti Gülyaz Məmmədovanın Qaynarinfo-ya müsahibəsini təqdim edir:
- Mədəniyyət Nazirliyi teatrların açılması üçün Operativ Qərargaha müraciət ünvanlayıb. Nazirliyin sözügedən müraciətindən sonra Operativ Qərargahdan gözləntiləriniz nədir?
- Nə yaxşı, inanırsınız, mən bunu tamaşaların nümayişi ilə bağlı gələn dəvətlərdən hiss elədim, qərar olmasa, teatrlar açılmaz. Çox sevindim. Biri var, biz deyək, biri də var nazirlik. Qanun nəcə deyirsə, elə olsun, hamı necə, biz də elə, təki hər şey yavaş-yavaş yoluna qoyulsun, teatrlar açılsın, filmlər çəkilsin. Qanuna əsasən hərəkət olunsa, biz də sağlam olarıq. Hər gün pis xəbərlər eşidirik, bu virus kimləri öldürmədi? Sənət adamlarından kimləri itirmədik? Allah hamını qorusun, amma sənət adamlarının yaradıcılığı kimi səhhəti də diqqət çəkir. İnandırcı faktlardır ki, doğrudan da bu xəstəlik var. Baxın, müğənni Səyyad Əlizadənin vəziyyəti ağırdır, bilirsinizmi necə gözəl insandır? Hələ bu günə kimi bir adamın qəlbinə dəyməyib. Məsafə saxlamaqla, teatr və konsert salonlarının açılmasına icazə vermək lazımdır. Sənət, yaradıcılıq, səhnə fəaliyyəti davam etməlidir. Mədəniyyətimizin dayanması səhnəmizin geriləməsi deməkdir. İki ildir bu sahədə heç bir iləliləyiş yoxdur. Amma biz bu iki ildə bir gün də olsun dayanmadıq, internet vasitəsi ilə dərsimizi dedik, Opera və Balet Teatrında tamaşalarımız oynanıldı. Amma tamaşaçılarımız ilə səhnədə görüşümüz olmadı. Odur ki, səhnə üçün bütün teatr adamları darıxıb, şəxsi konsertlərimiz olmadı. Heç kəs konsert verə bilmədi. Bəzi sənət adamlarının qazancı konsertlərdən çıxır. Konsertlər olmadığından onların qazançı olmadı. Biz həmişə dövlətimizə xidmət eləmişik, hər birimiz dövlətdən maaş alırıq. Müharibədən sonra qazilərimizə həsr edilən tədbirərdə iştirak edirik. Gülyanaq Məmmədova ilə mən kliplər çəkdirdik. Bu klipləri yayımlamaq lazımdır ki, xalq qəhrəmanını tanısın. Biz onları yad edib, hər zaman yanlarında olmalıyıq. Mahnılar yazdırdıq. Repertuarımızda vətənpərvərlik mövzusunda mahnıların sayı daha çox oldu.
- Deyirsiniz ki, qazilərimizə həsr edilən tədbirərdə iştirak edirsiniz. Bir az həmin görüşlərdən danışın…
- Çox çətindir, boynuma alacam, hətta bir ara tədbirlərdən uzaqlaşmaq istədim. Evdən çıxmaq istəmirdim, səhhətimə təsir etmişdi, ürəyim parca-parca oldu, iki ay ağladım, gözümün yaşı qurumadı. Hər yanda, hər bir səhifədə onları görürdüm. Bunlar da səhhətimə təsir elədi. Ana üçün çətindir. Hara baxırdın tabut, ana ah-naləsi. Böyük yükdür, bunu hansı ana qaldırar? Onların hər biri qürurumuz, fəxrimizdir. Hər insana şəhadətlik nəsib olmur. Amma bu anadır, onun ahını, dərdini-kədərini onunla bərabər paylaşmaq borcumuzdur. Onun dərdi həm də biz analarındır. Şəhid anaları çox qürurludur, özlərini sındırmırlar. Elə şəhid anaları var ki, dərdlərindən mahnı, şeir yazırlar. Bunlar faktlardır. Ruslan Səfəroğlunun hardasa 60-a yaxın mahnısı var. Hələ deyir ki, nə qədər ömrüm var onların hər birinə mahnı həsr edəcəm. Şəhid anaları, ailələri ilə görüş çətindir. Anadır, gözü balasını axtarır. Hər yerdə, hər kəsin üzündə oğlunu görür. İnsan çox sevdiyini dostlarında, sevdiklərində axtarır. Bütün bölgələr kimi mənim də doğulub-böyüdüyüm Şəki şəhərində, kəndimin özündə şəhidlər var. Oxuduğum bütün mahnılar şəhid analarını sakitləşdirir. Onlara bir toxdaqlıq verir, hər bir ifa onlar üçün bir təsəllidir. Neçə gözəl balalardır, onların hər birinin nurlu baxışlarını xalqa tanıtdırmaq lazımdır. Müharibə bizi daha da birləşdirdi, qüdrətli bir xalqa çevirdi. Böyük tarix yazdıq.
- Sentyavrın 18-dən 24-ə kimi Azərbaycanda Müsiqi Festivalı keçiriləcək. Həmin festivala qatılacaqsınız?
- Biz Gülyanaqla birgə Opera və Balet Teatrında olacağıq. Gülyanaq Məmmədova "Mahnı” teatrında keçiriləcək tədbirə dəvət alıb. "Mahnı” teatrının qarşısında musiqi bayramı ilə əlaqədar böyük konsert proqramı olacaq. Bütün teatrın solistləri də həmin tədbirdə olacaq. Opera və Balet Teatrında "Leyli və Məcnun” operasının tamaşası olacaq. Biz də həmin tamaşaya baxmağa gedəcəyik. Səhnədən ayrı qalmağımız müvəqqəti çətinlikdir, səbr edirik, dözürük, təki sağlıq olsun, dünyamız düzəlsin.
- Pandemiya dövründə maliyyə problem ilə üzləşdinizmi?
- Çox çətin oldu, inanın. Üzdə hamı elə bilir, qaz vurub-qazan doldururuq. Amma elə deyil, sənətçinin qazancı onun geyimindədir, səhnə çox xərc tələb edir.
