Dekabr ayının əvvəllərində 600 min manatdan çox mənimsəmədə ittiham olunan Bakı şəhər 23 nömrəli Birləşmiş Şəhər Xəstəxanasının rəhbəri Rəsul Baxşəliyevin cinayət işi üzrə məhkəmə prosesi keçirilməsi barədə məlumat yayıldı. Məlumatda 30 ilə yaxın xəstəxanada baş həkim olan Rəsul Baxşəliyev bir sıra şəxsləri kağız üzərində bağban, tibb bacısı, sanitar, həkim kimi işə götürərək onlar üçün ayrılan maaşları mənimsədiyi bildirilirdi. 1992-2021-ci illərdə xəstəxananın baş həkimi olmuş Rəsul Baxşəliyevin adını rəsmiləşdirdiyi şəxslər arasında öz qızı Sitarə Baxşəliyevanın da olduğu bildirilir. İttihama görə adları işçi kimi rəsmiləşdirilib, əslində isə xəstəxanada işləməyən şəxslərin adlarına açılmış maaş kartları vasitəsilə 2009-2021-ci illərdə dövlət büdcəsinə 629 min manat ziyan vurulduğu qeyd olunub.
Adıçəkilən 75 yaşlı baş həkimin 30 ildə dövlət büdcəsinə vurduğu ziyan burada bəlli oldu. İndi gəlin görək, 2021-ci ilin aprel ayına qədər “5 nömrəli şəhər Klinik Xəstəxanası” Publik Hüquqi Şəxsi, ondan sonra isə “Nərimanov Tibb Mərkəzi” Publik Hüquqi Şəxsi kimi fəalliyət göstərən xəstəxanaya 2017-ci ilin oktyabrında baş həkim təyin edilmiş Fazil Alməmmədov dövlət büdcəsinə nə qədər ziyan vurub və vurmaqda davam edir? Qeyd edək ki, sabiq Səhiyyə naziri Oqtay Şirəliyevin əmri ilə bu vəzifəyə gətirilmiş 1981-ci il təvəllüdlü Fazil Alməmmədov daha əvvəl isə Oğuz rayon Mərkəzi Xəstəxanasında baş həkimi olub.
Aktualinfo.org “5 nömrəli şəhər Klinik Xəstəxanası” Publik Hüquqi Şəxsi tərəfindən keçirilmiş kotirovka sorğusu prosedurları ətrafında araşdırmalar aparmış və burada yol verilən qanun pozuntularına aydınlıq gətirilməsi məqsədi ilə 01 dekabr 2021-ci il tarixdə xəstəxananın Tender Komissiyasına sorğu məktubu göndərmişdir. Üstündən 15 gün keçməsinə baxmayaraq sorğu məktubuna cavab verilmədiyinən baş həkim Fazil Alməmmədovla əlaqə saxladıq və xəstəxana tərəfindən keçirilmiş kotirovka sorğularının nəticələrinin nə üçün ictimaiyyətə açıqlanmadığını soruşduq. Baş həkim: kotirovka sorğularının keçirilmədiyini, hamısının geri qaytarıldığını- bildirdi. Baş həkimi iki il ərzində 30 yaxın kotirovka sorğusunun geri qaytarılması barədə bildirdiyi nə dərəcədə inandırıcıdır, gəlin xəstəxana tərəfindən dövlət satınalmalarının vahid internet portalına yerləşdirilmiş məlumatlara nəzər salaq.
“5 nömrəli şəhər Klinik Xəstəxanası” Publik Hüquqi Şəxsi tərəfindən 2020-2021-ci ildə keçirilmiş, lakin nəticələrinin ictimaiyyətdən gizlədildiyi şübhəsi doğuran kotirovka sorğuları aşağıdakılardır:
Abadlaşdırma xidmətləri üzrə 24.05.2021-ci il tarixdə elan olunmuş kotirovka sorğusunun nəticələri;
İsitmə sistemlərinə xidmət haqqı xərcləri üzrə 09.12.2020-ci il tarixdə elan olunmuş kotirovka sorğusunun nəticələri;
Digər malların alınması üzrə 30.11.2020-ci il tarixdə elan olunmuş kotirovka sorğusunun nəticələri;
Yangınsöndürən balonların doldurulması üzrə 30.11.2020-ci il tarixdə elan olunmuş kotirovka sorğusunun nəticələri;
İcarə və muzdlu xidmətlər üzrə 20.11.2020-ci il tarixdə elan olunmuş kotirovka sorğusunun nəticələri;
Sair torpaq, tikili və avadanlıqlar üzrə 23.10.2020-ci il tarixdə elan olunmuş kotirovka sorğusunun nəticələri;
Maşın və avadanlıqlar üzrə 23.10.2020-ci il tarixdə elan olunmuş kotirovka sorğusunun nəticələri;
Mətbəə məhsulları üzrə xərclər üzrə 03.10.2020-ci il tarixdə elan olunmuş kotirovka sorğusunun nəticələri;
Tikili və avadanlıqların cari təmir xərcləri üzrə 02.10.2020-ci il tarixdə elan olunmuş kotirovka sorğusunun nəticələri;
Maşın və avadanlıqların əsaslı təmiri üzrə 30.09.2020-ci il tarixdə elan olunmuş kotirovka sorğusunun nəticələri;
Yumşaq inventar,yataq ləvazimatları və xüsusi geyimlərin alınması üzrə 22.09.2020-ci il tarixdə elan olunmuş kotirovka sorğusunun nəticələri;
Dəftərxana və təsərrüfat xərcləri üzrə 07.08.2020-ci il tarixdə elan olunmuş kotirovka sorğusunun nəticələri;
Mühafizə xidməti üzrə 02.03.2020-ci il tarixdə elan olunmuş kotirovka sorğusunun nəticələri;
Dövlət satınalmalarının vahid internet portalına yerləşdirilmiş məlumatlarda “5 nömrəli şəhər Klinik Xəstəxanası” Publik Hüquqi Şəxsi yalnız 2 tender prosedurunun nəticələri barədə açıqlama verib.
Təmir üzrə 92 793 manat məbləğində satınalma müqaviləsi 08.05.2021-ci il tarixdə “COSSO” Məhdud Məsuliyyətli Cəmiyyəti ilə bağlanmışdır.
Mühafizə xidmətlərinin satınalınması üzrə 105 800.69 manat məbləğində satınalma müqaviləsi 18.02.2021-ci il tarixdə “TİİM” Məhdud Məsuliyyətli Cəmiyyəti ilə bağlanmışdır.
Qeyd edək ki, “5 nömrəli şəhər Klinik Xəstəxanası” Publik Hüquqi Şəxsin Tender Komissiyası 2021-ci ildə keçirmiş olduğu kotirovka sorğuları barədə dövlət satınalmalarının vahid internet portalına yerləşdirdiyi elanları “Nərimanov Tibb Mərkəzi” Publik Hüquqi Şəxsi kimi göstərmişdir.
“Nərimanov Tibb Mərkəzi” Publik Hüquqi Şəxsi tərəfindən 2021-ci ildə keçirilmiş, lakin nəticələrinin ictimaiyyətdən gizlədildiyi şübhəsi doğuran kotirovka sorğuları aşağıdakılardır:
Əsas fondlara xidmət haqqı xərcləri üzrə 26.10.2021-ci il tarixdə elan olunmuş kotirovka sorğusunun nəticələri;
İstehlak yönlü müxtəlif xidmətlər üzrə 25.10.2021-ci il tarixdə elan olunmuş kotirovka sorğusunun nəticələri;
Digər malların alınması üzrə 25.10.2021-ci il tarixdə elan olunmuş kotirovka sorğusunun nəticələri;
Dəftərxana və təsərrüfat xərcləri üzrə 25.10.2021-ci il tarixdə elan olunmuş kotirovka sorğusunun nəticələri;
Mətbəə məhsulları üzrə xərclər üzrə 19.10.2021-ci il tarixdə elan olunmuş kotirovka sorğusunun nəticələri;
Maşın və avadanlıqların əsaslı təmiri üzrə 19.10.2021-ci il tarixdə elan olunmuş kotirovka sorğusunun nəticələri;
İcarə və muzdlu xidmətlər üzrə 19.10.2021-ci il tarixdə elan olunmuş kotirovka sorğusunun nəticələri;
Sair torpaq, tikili və avadanlıqlar üzrə 14.10.2021-ci il tarixdə elan olunmuş kotirovka sorğusunun nəticələri;
Yumşaq inventar,yataq ləvazimatları və xüsusi geyimlərin alınması üzrə 29.09.2021-ci il tarixdə elan olunmuş kotirovka sorğusunun nəticələri;
Dəftərxana və təsərrüfat xərcləri üzrə 26.08.2021-ci il tarixdə elan olunmuş kotirovka sorğusunun nəticələri;
Mətbəə məhsulları üzrə xərclər üzrə 06.08.2021-ci il tarixdə elan olunmuş kotirovka sorğusunun nəticələri;
Maşın və avadanlıqların əsaslı təmiri üzrə 06.08.2021-ci il tarixdə elan olunmuş kotirovka sorğusunun nəticələri;
Dəftərxana və təsərrüfat xərcləri üzrə 12.07.2021-ci il tarixdə elan olunmuş kotirovka sorğusunun nəticələri;
Dövlət satınalmalarının vahid internet portalına yerləşdirilmiş məlumatlarda “Nərimanov Tibb Mərkəzi” Publik Hüquqi Şəxsi yalnız 3 tender prosedurunun nəticələri barədə açıqlama verib.
Tikili və avadanlıqların cari təmiri üzrə 92 752.72 manat məbləğində satınalma müqaviləsi 10.11.2021-ci il tarixdə “EMV GROUP” Məhdud Məsuliyyətli Cəmiyyəti ilə bağlanmışdır.
Maşın və avadanlıq mallarının satınalınması üzrə 137 757.92 manat məbləğində satınalma müqaviləsi 07.10.2021-ci il tarixdə “VIVA MEDICAL GROUP” Məhdud Məsuliyyətli Cəmiyyəti ilə bağlanmışdır.
Tikili və avadanlıqların cari təmiri üzrə 93 038.28 manat məbləğində satınalma müqaviləsi 10.19.2021-ci il tarixdə “EMV GROUP” Məhdud Məsuliyyətli Cəmiyyəti ilə bağlanmışdır.
Qeyd edək ki, dövlət satınalmalarının vahid internet portalına yerləşdirilmiş məlumatlardan da görsəndiyi kimi həm”5 nömrəli şəhər Klinik Xəstəxanası” Publik Hüquqi Şəxsi kimi, həm də “Nərimanov Tibb Mərkəzi” Publik Hüquqi Şəxsin Tender Komissiyası kimi yuxarıda göstərilən tarixlərdə 2 il ərzində müxtəlif xidmətlərin və malların satınalması üzrə 26 kotirovka sorğularının keçirilməsi barədə elan versə də, keçirilmiş kotirovka sorğularının nəticələri, habelə müqavilələrin bağlanması barədə heç bir məlumat açıqlamamış, ayrılan vəsaitlər barədə məlumatları gizlətmişdir. Bu isə keçirilmiş kotirovka sorğuları üzrə bağlanmış müqavilələrdə saxtakarlıq hallarına yol verilməsinə, habelə satın alınan malların (xidmətlərin) qiymətlərinin süni şəkildə şişirdilməsinə şübhə yaratmaya bilmir. Yuxarıda qeyd etdiyimiz elanlardan da görsəndiyi kimi xəstəxana tərəfindən keçirilmiş kotirovka sorğularında “Dövlət Satınalmaları Haqqında” Azərbaycan Respublikası Qanununun 5 və 10-cu maddələrinin aşagıdakı tələbləri kobud şəkildə pozulmuşdur. Yəni satınalma müqaviləsi bağlanıldıqdan sonra 5 bank günü ərzində nəticələr ictimaiyyətə açıqlanmalıdır.
Qayıdaq gənc kadr, gənc baş həkim Fazil Alməmmədovun elan olunmuş kotirovka sorğularının keçirilmədiyi iddiasına. Burada baş həkim qızarmadan, ağ yalan danışdı. Belə ki, elan olunmuş kotirovka sorğularından da görsəndiyi kimi, xəstəxana 2020-2021-ci illərdə tələbəta uyğun malların alınmasına üçün keçirilib. Baş həkimin dediyi kimi, əgər kotirovka sorğuları iki il ərzində geri qaytarılıbsa, onda xəstəxana zəruri olan malları haradan və necə alır? Xahiş edərdik gənc baş həkim utanmadan yalanlamaq istədiyi bu suala da cavab versin. Əslində isə kotirovka sorğularının hamısı keçirilib. “Otkat”ları alınıb, yeyilib, üstündən su da içilib. Onların gizlədilməsində məqsəd isə tanış şirkətlərlə bağlanan müqavilələrin ifşa olunmamasıdır. Bir də ki, şişirdilmiş qiymətlərin aşkar olunmaması məqsədi daşıyır. Məsələn, xəstəxana təkcə oktyabr ayında tikili və avadanlıqların cari təmiri üzrə “EMV GROUP” Məhdud Məsuliyyətli Cəmiyyəti ilə ümumi olaraq 185 790 manat məbləğində 2 satınalma müqaviləsi bağlayıb. Qiymətlərin süni şəkildə şişirdilməsi buradan açıq-aydın görsənir. Maraqlıdır nəticələri ictimaiyyətə açıqlanmayan kotirovka sorğularında qiymətlər nə qədər şişirdilib?
Yazının başanğıcında 30 il baş həkim işləmiş Rəsul Baxşəliyevi əbəs yerə xatırlamadıq. Cəmi 4 ildir baş həkim işləyən, gənc, perspektivli kadr hesab edilən Fazil Alməmmədov vəzifəsini bu şəkildə davam etdirərsə vay səhiyyənin büdcəsinin halına. Bunu Səhiyyə nazirinin səlahiyyətlərini icra edən Teymur Musayevin də bilməsini istərdik.
Aktualinfo.org
