"Onun köçürdüyü insanlara yazığım gəlir"

"Azərbaycan sosial şəbəkələrində Bakı Şəhər İcra Hakimiyyətinin nəzarət-yoxlama şöbəsinin müdiri Zülfüəli İsmayılovun iştirakı ilə video yayılıb".

"DİA-AZ" xəbər verir ki, bunu özünün sosial şəbəkə hesabında tanınmış jurnalist Nailə Balayeva qeyd edib.

Jurnalist daha sonra bildirir: "Onu çəkən vətəndaşı nalayiq sözlərlə söyür və hücum edir.

Mən bu adamı birinci dəfə indiki "Qış parkı"nı sökəndə görmüşəm. Onda da adamlarla aşırı dərəcədə pis rəftar edirdi.

 Düzü elə bilirdim, bu adamı artıq çoxdan işdən aralayıblar. Çünki onda barəsində çox tənqidi fikirlər səslənmişdi.

Amma göründüyü kimi yenə iş başındadır. Mənim onun köçürtdüyü adamlara yazığım gəlir..."

"DİA-AZ" xatırladır ki, bu məmur təkcə vətəndaşları inciməsi ilə yox, həm də paytaxtdakı tarixi mədəniyyət abidələrinə qarşı qəddarlığı ilə də diqqət cəlb etməkdədir...