"Artıq ikinci dəfədir ki.."

"Hörmətli Expargo şirkəti, əgər Çindən bağlama çatdırılmasını normal təşkil edə bilmirsinizsə, bu xidməti ümumiyyətlə təklif etməməlisiniz. Artıq ikinci dəfədir xidmətinizdən istifadə edirəm və eyni problemlə qarşılaşıram..." "DİA-AZ" xəbər verir ki, bunu özünün sosial şəbəkə hesabında Fərid Cəfərov adlı istifadəçi yazır.

Narazı vətəndaş daha sonra başına gələnləri belə nəql edir: "Normal logistika ilə Çindən bağlama həftənin 5-ci günü çıxır və növbəti həftənin ortası təhvil verilir. Sizdə isə 3 həftədir bağlamadan heç bir xəbər yoxdur, sistemdə sadəcə "yoldadır" yazılır. Məlumat mərkəzində isə müştərilərə yalan və qeyri-dəqiq məlumatlar verməkdən başqa bir iş görülmür.

Bu qədər gecikmə və məsuliyyətsizlik qəbuledilməzdir. Bağlamamın taleyi ilə bağlı təcili və dürüst cavab gözləyirəm..."