AzəriQaz-da NƏ OYUN ÇEVRİLİR: Bir ildə iki dəfə imtahan-ixtisar?

"İki-üç vəzifəli rəhbər işçilər! Toxunulmazlar. Apardığınız kadr siyasəti axırda bumeranq olub özünüzə yönələcək İnşAllah!.." "DİA-AZ" xəbər verir ki, bunu özünün sosial şəbəkə hesabında tanınmış hüquq müdafiəçisi, Neftçilərin Hüquqlarının Müdafiəsi Təşkilatının (NHMT) sədri Mirvari Qəhrəmanlı qeyd edib.
NHMT sədri bunun ardından fikrini belə davam etdirir: "SOCAR Azəriqaz İB-də yenə imtahan, yenə ixtisar. Bir ildə iki dəfə imtahan-ixtisar?

Azəriqaz İB Lənkaran RQİİ Biləsuvar XS-dən yazdılar ki:

Bu gün iyul ayn 15- də müdür bizə bildirdi ki, sayğac əməliyyatları şöbəsinin çilingərləri iyul ayının 17 də Bakıda imtahana gedəcəksiniz , eşitdiyimiz bizi çox pis vəziyyətə saldı. Çünki Azəriqaz İB -də gedən struktur dəyişikliyi ilə əlaqədar 8 ay əvvəl biz imtahan verdik və müvafiq keçid balını yığdıq. Əmək Məcəlləsinə əsasən işçilərin attestasiyası da 5 ildən bir keçirilir. Bəs necə olur, hansı qanuna əsasən 8 ay əvvəl imtahan vermişik,indi bizi yenidən imtahan edirlər?

Ümüdimiz yaradana qalıb

Qeyd: Aldığım məlumata görə proses (imtahan-ixtisar) Azəriqaz İB -nin başqa strukturlarında da başlanıb..."