Rövşən Rzayevin qəbulunda oldum... VƏ...

"Qaçqınların və məcburi köçkünlərin işləri üzrə dövlət komitəsində qəbula getmişdim. Belə mənzərə ilə rastlaşacagımı təxmin etmirdim..." "DİA-AZ" xəbər verir ki, bunu özünün sosial şəbəkə hesabında tanınmış hüquq müdafiəçisi Osman Kazımov qeyd edib.

O daha sonra fikrini belə davam etdirir: "İşçilər çox agır, əsəbi gərgin şəraitdə işləyirlər. Çoxsaylı vətəndaşları qəbul etmək, dinləmək, problemlərinin həllinə çalışmaq çətindir. Bu həm də ona görə çətindir ki, kömək etmək istədikləri insanlar narahat, problemli insanlardı. Əməkdaşları çox acılayırlar. Kömək etmək istəyənləri belə çox narahat edirlər.

Məndə o qənaət yarandı ki, ən agır iş şəraiti olan təşkilat elə buradır. Gərginliyə baxmayaraq yaxşı işləyirlər. Bir az əsəbidirlər. O da başa düşüləndir. Eyni şeyi neçə dəfə təkrarlamaq olar, haqsız tənqidə, bəzən təhqirə də məruz qalırar. Amma fikir verdim səbr mədəniyyət nümayiş etdirirlər. Bir çox şikayətçilərin şikayətləri heç onlara aid deyil. Çox yaxşı qəbul təşkil edirlər. 

Komitə sədri Rövşən Rzayevin qəbulunda oldum. Qısa, lakin kifayət qədər səmimi və sadə bir qəbul. Fikirləşdim ki, bəlkə məni tanıyır, ona görədir. Amma qəbuldan çıxanların söhbətlərindən aydın olurdu ki, hamı razı çıxır.
Deməli yaxşı işləmək olar.."