Rusiyanın Ermənistandan bir tələbi var: TRIPP-dən imtina etmək

Ermənistan hökumət dairələrində pərdəarxası Nikol Paşinyanın Rusiyaya səfəri narahatlıqla müzakirə olunur.

Teleqraf xəbər verir ki, bu barədə "Hraparak" qəzeti yazıb.

Nəşrin məlumatına görə, iyulun 6-da Yekaterinburqda keçirilən beynəlxalq sənaye sərgisində iştirak etmək üçün yola düşən və səfərin təşəbbüskarı olan Nikol Paşinyan Moskvanı inandıra və ixrac məsələsini həll etmək üçün verdiyi açıq vədi yerinə yetirə bilməyib.

Xatırladaq ki, seçkilərdən əvvəl o, cəsarətlə Moskvaya gedəcəyinə və bütün məsələlərin bir neçə gün ərzində öz yerini tapacağına söz vermişdi.

Paşinyan Moskvaya getdi, lakin heç bir məsələ, xüsusən də ixracla bağlı məsələlər həll olunmadı. Rusiya tərəfi onu soyuqqanlılıqla dinlədi və əvvəlki cavabları təkrarladı: məhsullarınız bizim bazarımıza uyğun gəlmir.

Bu arada, əslində Paşinyanın Rusiya ilə Avropa İttifaqı arasında dəqiq seçim etməsi üçün təzyiq altında olduğu aydındır. Onlar hətta Samvel Karapetyan və Qaqik Tsarukyanın taleyi ilə də maraqlanmırlar. Tələb birdir: TRIPP-dən imtina etmək və "oyun oynamamaq".