“Premium Bank”dan “GoldenPay”ə transfer
Bu gün, 17:24
Azərbaycanda “Hesab.az” ödəniş sisteminin sahibi “Qoldenpey” ASC və ya “GoldenPay”də Əməliyyat departamentinin direktoru vəzifəsinə təyinat olub.
Banker.az xəbər verir ki, Tamilla Məmmədova “GoldenPay” ASC-yə Əməliyyat departamentinin direktoru təyin edilib.
O, 2026-cı ilin mart ayından iyun ayına qədər “Premium Bank”da Xəzinədarlıq və Maliyyə İnstitutları Departamentinin direktor müavini kimi çalışıb.
T.Məmmədova bundan əvvəl, 2015-ci ildən etibarən “Azər-Türk Bank”da Hesablaşmalar Departamentinin direktor müavini, Klirinq şöbəsinin müdiri, 2009-2015-ci illərdə “Kapital Bank”da Baş mütəxəssis vəzifəsində işləyib.
O, 2004-2008-ci illərdə Azərbaycan Dövlət Neft Akademiyasında mühəndis iqtisadiyyatı və idarəetmə ixtisası üzrə bakalavr, 2009-2011-ci illərdə isə Azərbaycan Dövlət İqtisad Universitetində eyni ixtisas üzrə magistr dərəcəsi alıb.
Xatırladaq ki, “GoldenPay” 2007-ci ildə yaradılıb. Şirkətin səhmdarı Böyük Britaniyanın Nevis adalarında qeydiyyatdan keçmiş “GoldenPay International” şirkətidir. Goldenpay tərəfindən 2011-ci ilin aprel ayında “Hesab.az” onlayn ödəmə portalı istifadəyə verilib. 2025-ci ildə isə Goldenpay tərəfində Pulz e-cüzdan tətbiqi istifadəyə verildi. 17 iyul 2024-cü il tarixində AR Mərkəzi Bankı tərəfindən Goldenpay-ə Elektron Pul Təşkilatı lisenziyası verilib.
Geri qayıt