“Bakı Elektroavtomat”ın rəhbərliyi formalaşdırılacaq

“Bakı Elektroavtomat” ASC-nin (VÖEN: 1200011221) səhmdarlarının növbəti ümumi yığıncağı 20 aprel 2026-cı il tarixdə saat 15:00-da keçiriləcək.

"DİA-AZ" xəbər verir ki, yığıncaq Bakı şəhəri, Xəzər rayonu, Binə qəsəbəsində yerləşən “Bakı Elektroavtomat” ASC-nin inzibati binasında baş tutacaq.

İclasın gündəliyinə aşağıdakı məsələlər daxildir:

1. Ümumi yığıncağın gündəliyinin təsdiq olunması;

2. Cəmiyyətin 2025-ci il üzrə maliyyə nəticələrinin müzakirəsi və təsdiq edilməsi;

3. Direktorlar (Müşahidə) Şurasının formalaşdırılması;

4. İcra orqanının formalaşdırılması;

5. Dövlət orqanlarında sənədlərin qeydiyyata alınması ilə bağlı səlahiyyətli şəxsin (hüquqi və ya fiziki) təyin olunması;

6. Azərbaycan Respublikasının Mülki Məcəlləsi ilə nəzərdə tutulmuş digər məsələlər.

Qeyd olunub ki, ümumi yığıncaqda bütün səhmdarların şəxsiyyətini təsdiq edən sənədlə iştirakı vacibdir.

Əlavə məlumat üçün əlaqə telefonu: (050) 300-33-82.