“Keyhan”ın bitməyən “Azərbaycan dərdi”

İranın dini lideri Əli Xamineyinin nəzarətində olan “Keyhan” qəzeti Azərbaycan əlleyhinə daha bir yazı dərc edib.

Tribuna.az xəbər verir ki, sistemli şəkil alan bu qərəzli yanaşmaya hər dəfə “yeni”ləri əlavə olunur.

Ötən gün qəzet iddia edib ki, guya, Azərbaycan son illərdə İranın maraqlarına zidd addımlar atıb. “O cümlədən etnik məsələləri qabartmaq, sərhəddə gərginlik yaratmaq və İsraillə əməkdaşlığı genişləndirmək yolu tutub. Bakıya münasibət daha sərt, hesablanmış və açıq mesajlar üzərində qurulmalıdır”.

Nəşr İranın prezidenti Məsud Pezeşkianı Azərbaycana səfər etməkdə də ittiham edib. “Cənab Pezeşkian, siz niyə tez-tez Azərbaycana səfər edirsiz? Niyə onlara bu şansı verirsiz?”.