Heydər Əliyevin avtomobili satışa çıxarıldı
27-08-2015, 09:49
Rusiyanın Krasnoyarsk şəhərində QAZ-12 “ZİM” markalı avtomobil internet vasitəsi ilə 1,4 milyona rubl (təxminən 21 min manat) qiymətinə satışa çıxarılıb.
ANS PRESS-in məlumatına görə, Rusiya mətbuatında yayılan xəbərdə iddia olunur ki, avtomobil Azərbaycan prezidenti Heydər Əliyevə məxsus olub.
Elan avqustun 24-də 24auto.ru saytında yerləşdirilib.
Satan şəxs bildirib ki, avtomobil 1951-ci ilin buraxılışıdır və həmin avtomobil Azərbaycandan İlham Əliyevin qarajından gətirilib.
Avtomobil təmirdən sonra avtomat pəncərə qaldıranlarla, kompyuter, televizor və siqnalizasiya ilə təchiz edilib. Avtomobilin qiyməti rus pulu ilə 1 410 000 rubl təşkil edir.
Geri qayıt