İki dövlət qurumu arasında məhkəmə çəkişməsi başlayır
4-09-2014, 11:47
“Azərsu” Açıq Səhmdar Cəmiyyəti Təhsil Nazirliyinin tabeliyində olan Bakı Texniki Kolleci və 5 saylı Bakı Peşə Liseyini məhkəməyə verib.
Bakı Apellyasiya Məhkəməsindən AzVision.az-a verilən məlumata görə, qurumun təhsil müəssisələrindən şikayət etməsinin səbəbi “Azərsu”ya olan borcun ödənilməməsidir.
Sentyabrın 2-də Bakı Texniki Kollecinin su pulu və kanalizasiya xidmətlərinə görə yaranmış borcu ödəmədiyi üçün məhkəmə iclası keçirilib və iddia qismən təmin edilib.
5 saylı Bakı Peşə Liseyi də eyni səbəbdən “Azərsu” tərəfindən məhkəməyə verilib. Proses davam edir.
Geri qayıt