Rusiya BMT-nin yeni baş katibindən nə gözləyəcək?

Rusiya Birləşmiş Millətlər Təşkilatının (BMT) növbəti baş katibindən Ukraynadakı vəziyyətin obyektiv qiymətləndirilməsini gözləyir.

Publika.az xəbər verir ki, bu barədə Rusiyanın BMT-dəki daimi nümayəndəsi Vasili Nebenzya “RİA Novosti” agentliyinə verdiyi müsahibədə bildirib.

"Kim seçilsə, biz onun Ukrayna böhranına hazırkı baş katibdən daha obyektiv yanaşacağını gözləyirik", - Nebenzya bildirib.

O, həmçinin Rusiyanın yeni Baş Katibdən Ukraynanın Buça şəhərində baş verən hadisələrin qurbanlarının siyahısını tələb edəcəyini vurğulayıb.

BMT-nin əvvəlki cavabları Rusiya tərəfini qane etmir.

BMT-nin hazırkı rəhbəri Antonio Quterreşin səlahiyyət müddəti 2026-cı il dekabrın 31-də başa çatır.