Tramp onları İrana göndərmək istədi:

Prezident Donald Tramp İranı Amerikanın kənd təsərrüfatı məhsullarının ixracatı üçün yeni bir bazar adlandırıb.

“Cebheinfo.az” xəbər verir ki, Prezident bunu Tehranın aktivlərinin dondurulmasının ləğvi barədə razılaşmadan sonra bildirib.

"Bu ixrac bazarı böyük olacaq, məncə, çox böyük olacaq",- Tramp Ağ Evin Gül Bağında amerikalı fermerlərlə şam yeməyində deyib.

Prezident orada olan fermerlərdən hansının İrana səfər etməkdə maraqlı olacağını soruşub, lakin Ağ Ev müxbirlərinin qeyd etdiyi kimi, heç kim əl qaldırmayıb.

”The New York Post” qəzeti yüksək vəzifəli ABŞ rəsmisinə istinadən xəbər verdi ki, razılaşmanın bir hissəsi olaraq ABŞ-də dondurulmuş İran vəsaitləri faktiki olaraq İran hakimiyyətinin əlində olmayacaq. Vaşinqton dondurulmamış vəsaitlərin birbaşa İranın kənd təsərrüfatı məhsulları, tibbi avadanlıqlar və digər təsdiq edilmiş mallar ala biləcəyi şirkətlərə getməsində israrlıdır.

İran mediası Tehranın iki tranşla 12 milyard dollar alacağını bildirib.

Çərşənbə günü Tramp ABŞ-nin hələ İrana heç bir ödəniş etmədiyini və ya əvvəllər dondurulmuş İran vəsaitlərini köçürmədiyini deyib. ABŞ-nin vitse-prezidenti Vens İranın aktivlərindən istifadənin mümkün olduğunu, lakin bu vəsaitin İranpərəst qrupların maliyyələşdirilməsi üçün deyil, məsələn, Amerika kənd təsərrüfatı məhsullarının alınması üçün istifadə edilməli olduğunu bildirib.

Lakin İran Parlamentinin sədri Məhəmməd Bağır Qalibaf deyib ki, Tehran aktivlərinin dondurulmaması halında onlardan Amerika məhsullarının alınması üçün istifadə etmək istəməyəcək.