Tonoyan onları "SATDI"

Ermənistanda bu gün getdikcə daha aydın şəkildə vahid siyasi cəbhənin formalaşdığı görünür. Karapetyan, Köçəryan, “Qarabağ klanı”nın nümayəndələri, keçmiş məmurlar və generallar ayrı-ayrı siyasi layihələr deyil, revanşist düşüncələrdən və keçmiş münaqişə dövrünə nostaljidən qidalanan eyni sistemin müxtəlif təmsilçiləridir. Məhz buna görə də onların ritorikasında yenidən köhnə şüarlar və eyni radikal mövqelər ön plana çıxır.

KONKRET.az xəbər verir ki, bu kontekstdə sabiq müdafiə naziri David Tonoyanın “Yeni müharibə – yeni ərazilər” ifadəsi xüsusilə yadda qalıb.

Bu yanaşma 2020-ci il müharibəsi ərəfəsində revanşist siyasətin simvoluna çevrilmişdi və sonradan ciddi nəticələrlə üzləşdi.

Buna baxmayaraq, həmin xəttin tərəfdarları siyasi səhnədən çəkilməyib.

Onlar yalnız görünüşlərini dəyişərək yenidən “yeni simalar” kimi hakimiyyətə qayıtmağa çalışırlar.

Lakin proseslər göstərir ki, demokratiya və islahatlar haqqında deyilənlərin arxasında yenə də eyni köhnə siyasi sistem dayanır.

Bu sistem illərlə münaqişədən siyasi alət kimi istifadə edib və Ermənistanı ağır nəticələrə gətirib çıxarıb.

Hazırkı siyasi mübarizə isə getdikcə daha çox keçmiş elitanın yenidən hakimiyyətə qayıtmaq cəhdi kimi görünür.