Siraqəddin Cabbarov onu işdən çıxardı

Sabirabad Rayon İcra Hakimiyyətinin sektor müdiri vəzifədən azad edilib.

"DİA-AZ" iqtisadiyyat.az-a istinadən xəbər verir ki, bununla bağlı icra başçısı Siraqəddin Cabbarov müvafiq əmr imzalayıb.

Əmrə əsasən, İctimai-siyasi və humanitar məsələlər sektorunun müdiri Əliabbas Həsənov vəzifəsindən azad edilib.

Digər əmrlə həmin sektora rəhbərlik müvəqqəti olaraq Ümid Zeynallıya həvalə olunub. Ü.Zeynallı bundan əvvəl İctimai-siyasi və humanitar məsələlər şöbəsində baş məsləhətçi vəzifəsində çalışıb.