İranda İsrail kəşfiyyatı ilə əlaqədə ittiham olunan şəxs edam edilib

İranda yanvar etirazları zamanı məscidi yandırmaqda və İsrail kəşfiyyatı ilə əlaqəli şəbəkəyə rəhbərlik etməkdə ittiham olunan şəxs barəsində çıxarılmış ölüm hökmü icra edilib.

"Report" "Reuters"ə istinadən xəbər verir ki, bu barədə İranın "Mizan" xəbər agentliyi məlumat yayıb.

Əmirəli Mircəfəri Tehranda Kolhak məscidini yandırmaqda və dövlətin təhlükəsizliyinə qarşı yönəlmiş fəaliyyətin təşkilində təqsirli bilinib.

Ölüm hökmü çərşənbə axşamı səhər saatlarında icra edilib.