“Azərbaycanda ən səmimi aparıcı Elgizdir”

“Elgiz baməzə zarafatları ilə daha çox gündəm yaradır”.

Yenicag.az xəbər verir ki, bu sözləri tanınmış şoumen, aktyor və müğənni Sərxan Kərəmoğlu sosial media hesabındakı paylaşımında qeyd edib.

O, Elgiz Əkbəri ölkənin ən səmimi aparıcısı adlandıraraq, onun televiziyadan uzaq düşməsinə təəssüfləndiyini bildirib:

“Səmimiliyi ilə Azərbaycanda aparıcılar arasında birinci olan, uzun illər jurnalistikada və televiziyada böyük tamaşaçı kütləsi qazanan şəxs Elgiz Əkbərdir. O, Azərbaycanda ekranda olduğu kimi görünən, səmimiyyətini qoruyan ilk aparıcılardan biridir. Elgizin bu sahədə xidmətləri çox böyükdür. Baməzə zarafatları ilə hər zaman gündəm yaradan Elgizi tamaşaçılar indi mesaj yağışına tutur və onu özlədiklərini yazırlar”.