ABŞ İrana qarşı növbəti zərbə dalğasını başa çatdırıb

ABŞ Silahlı Qüvvələrinin Mərkəzi Komandanlığı (CENTCOM) İrana qarşı gün ərzində həyata keçirilən ikinci zərbələr dalğasının başa çatdığını açıqlayıb.

Bu barədə CENTCOM-un X hesabında paylaşım edilib.

Məlumata görə, ABŞ qüvvələri İranın komanda mərkəzlərini, hava hücumundan müdafiə sistemlərini, raket və pilotsuz uçuş aparatlarının yerləşdiyi məntəqələri, eləcə də sahil müşahidə postlarını hədəfə alıb.

CENTCOM qeyd edib ki, əməliyyat zamanı yüksək dəqiqlikli sursatlardan istifadə olunub və zərbələr Bəndər-Abbas şəhərinə də endirilib.

ABŞ, CENTCOM, İran

***
23:32

ABŞ Silahlı Qüvvələrinin Mərkəzi Komandanlığı (CENTCOM) İrana qarşı ikinci zərbələr dalğasına başladığını açıqlayıb.

APA xəbər verir ki, bu barədə qurumun "X" hesabında məlumat yayılıb.

CENTCOM-un yaydığı məlumata görə, zərbələr Hörmüz boğazından sərbəst keçən gəmilərə təhlükə yaratdığı iddia olunan İranın hərbi imkanlarına qarşı yönəlib.

Qeyd olunub ki, əməliyyat beynəlxalq ticarət üçün həyati əhəmiyyət daşıyan Hörmüz boğazında gəmiçiliyin təhlükəsizliyinin təmin edilməsi məqsədi daşıyır.

CENTCOM vurğulayıb ki, ABŞ hərbçiləri əməliyyatları Ali Baş Komandanın göstərişi əsasında həyata keçirir.