Gülnarə Kərimovadan müsadirə edilən pullar...

Özbəkistan İqtisadiyyat və Maliyyə Nazirliyinin məlumatına görə, Özbəkistanın keçmiş prezidentinin qızı Gülnarə Kərimovadan İsveçrədə müsadirə edilən 43,5 milyon dollarlıq aktiv səhiyyə sisteminin inkişafına sərf olunub.

"DİA-AZ"ın məlumatına görə, vəsait perinatal müəssisələrin maddi-texniki bazasının gücləndirilməsinə yönəldilib.

Respublika üzrə 231 perinatal müəssisə müasir tibbi avadanlıqlarla təchiz edilib. İnkubatorlar, süni tənəffüs aparatları, anesteziya sistemləri və digər avadanlıqlar 31 milyon dollardan çox dəyərində alınıb.