BU NƏDİ BELƏ: Aşağıda ixtisarlar gedir... Mərkəzi ofisdə daha bir qurum YARADILDI!
Bu gün, 13:20
Durmadan sıravi işçi heyətini ixtisar salması ilə diqqətə gələn SOCAR "Azəriqaz" İstehsalat Birliyinin mərkəzi ofisində tamam fərqli ab-hava hökm sürür. Nəinki aşağılarda olduğu kimi, ixtisar getmir... əksinə, hətta yeni ştatlar yaradılır, qurumlar təsis edilir, yeni simalar işə cəlb olunur. "DİA-AZ" xəbər verir ki, bu dəfə də qurumun rəhbəri Azər Məmmədov yeni yaradılan şöbəyə rəis təyin edib.
Məlumatlardan aydın olur ki, "Azəriqaz” İstehsalat Birliyində daha bir şöbə yaradılıb. Belə ki, "Azəriqaz"ın mərkəzi aparatında Mühəndislik və Layihə şöbəsi fəaliyyətə başlayıb.
Şöbənin rəisi vəzifəsinə isə Ülvi Kərimov təyin olunub. Bununla bağlı qurumun baş direktoru Azər Məmmədov əmr imzalayıb.
Qeyd edək ki, bir neçə gün əvvəl "Azəriqaz” Aparatının Müştəri Təcrübələrinin İdarə edilməsi şöbəsinin yaradılması ilə bağlı da məlumat vermişdik. Onu da əlavə edək ki, bu haqda ilk xəbəri Qaynarinfo saytı yayıb.
Beləliklə aydın olur ki, "Azəriqaz"da ixtisarlar yalnız aşağı heyətə aiddir, yixarıda isə güllük-gülüstanlıq... DAVAM EDİR...
Geri qayıt